Уул уурхайн салбарт өнгөрсөн долоо хоногт  Хэн, Юу хэлсэн талаар хүргэж байна. /2014.08.12 - 2014.08.19/

УУЯ-ны Стратегийн бодлого, төлөвлөлтийн газрын дарга Ч.Отгочулуу: Газрын тосны хайгуулыг эрчимжүүлж, нөөцөө нэмэгдүүлэх хэрэгтэй байна

Улсын хэмжээнд газрын  тосны  хэтийн  төлөв бүхий  хайгуулын  31 талбай ялгасан. Одооггор  засгийн газраас баталсан бүтээгдэхүүн  хуваах  гэрээний  дагуу  16 компани  18 талбайд  газрын  тосны хайгуулын үйл  ажиллагаа  явуулж  байна. Эрсдэл өндөртэй  бизнес  учир төр  өөрөө байнга хөрөнгө оруулах хэцүү. Иймд  эхний  ээлжинд  үндэсний  болон  гадаад хөрөнгө оруулагчдыг татах шаардлагатай.Их хэмжээний тос боловсруулж байж үйлдвэр зардлаа нөхнө. Тиймээс бид хайгуул сайн хийж, нөөцөө байнга нэмэгдүүлэх шаардлагатай /Өнөөдөр 2014.08.18/

Цөмийн энергийн газрын дарга Н.Тэгшбаяр: Уран олборлоно гэдэг нь дэлхийн олон орны хувьд мөрөөдөл

дийн засгйиг  эрчимжүүлэх  100 хоногийн  хүрээнд чамгүй олон  ажил  хийж амжууллаа. Олон  улсын  Атомын энергийн агентлагийн  дэмжлэгтэйгээр Малын  эрүүл  мэндийг сайжруулах,  оношлогоог  чанаржуулах  төсөл  хэрэгжүүлэхээр  болсон. ОХУ мах  нийлүүлдэг зарим  орондоо  хориг  тавиад  байгаа. Аливаа том төсөл дээр Монголчууд дангаараа ажиллахгүй. Ураны салбарт ч гэсэн адил. Хамгийн сайн гэсэн хүмүүсийг авчраад хөлсийг нь төлөөд ажиллжжлах болно. /Өдрийн шуудан 2014.08.18/

МҮСХ-ны Эдийн засгийн статистикийн хэлтсийн дарга М.Оюунсайхан: Манай улс 3.2 тонн алт экспортлоод байна

Гадаад худалдааны  мэдээг өнгөрсөн оны  мөн үетэй  харьцуулахад нийт бараа эргэлт 49,9 сая  буюу 0,8 хувиар нэмэгдэж 6,1 их наяд  төгрөгт хүрсэн. Экспортын хэмжээ нь 2,9 их наяд  ам.долларт  хүрч, 585,8 сая  ам.доллар буюую 24,9 хувиар нэмэгдсэн байна. Энэ оны эхний зургаан сарын байдлаар 4.3 тонн алт олборлоод байна. Өнгөрсөн оны мөн үед 4.8 тонн байсан. Тэгэхээр алт олборлолт 0.5 хувиар буурсан гэсэн үг. Экспортын хувьд 3.2 тонныг гаргаад байна.Нүүрс 10392.3 мянган тонныг  экспортлоод байна. Үнийн дүнгээрээ 499 сая 633.5 мянган ам.доллар гэсэн үг. /Ардчилал  2014.08.13/

МҮШН-ын дарга, Тавантолгой цахилгаан станц төслийн захирал М. Энхсайхан: Цаашдаа ч хамтран ажиллана гэсэн сэтгэлээ илэрхийлэхийн тулд "Оюутолгой"-той гэрээ байгуулна

Бид 450 кВт-ын цахилгаан станц байгуулах хүрээнд сүлжээ үүсгэх анхны алхмыг хийх ёстой. Үүнийг бид Оюутолгой компанитай хамтарч шийдэх хэрэгтэй. Оюутолгой компани шинээр  барих  цахилгаан  станцаас  эрчим  хүчээ авах  нь  гэдэг  мэдээллийг  гадны  хөрөнгө  оруулагчид энэхүү  арга  хэмжээнээс  авна. Мэдээж  цахилгаан  станцад  хөрөнгө оруулахын  тулд итгэлтэй байх  хэрэгтэй шүү дээ. Тавантолгойн  цахилгаан  станцыг гадны  хөрөнгө  оруулалтаар  барихаар бид  хичээж ажиллаж байна. / Өдрийн шуудан  2014.08.19/

Рио Тинто компанийн гүйцэтгэх захирал Сэм Уолш: Оюутолгойн зэс, алтны орд газарт гүний уурхай барина

Манай компани ойрын  хоёр жилд  тус  бүр  найман  тэрбум ам.долларын хөрөнгө  оруулалт  хийхээр төлөвлөсөн  бөгөөд Өмнөд Эмблийн боскитын уурхайгаас гадна Монголын  Оюутолгойн  зэс алтны орд газарт гүний  уурхай, Пилбара  дахь  төмрийн хүдрийн уурхайг өргөжүүлэхэд түлхүү анхаарах болно. Рио Тинто  компанийн  ТУЗ 11-р  сарын сүүл , 12-р  сарын эхэнд болдог уулзалтаараа хөрөнгө  оруулалтын  шинэ  төслүүдээ  хэлэлцэн  эцсийн  шийдвэрээ  гаргадаг  уламжлалтай.   / Зууны мэдээ  2014.08.13/

Эрдэнэс Тавантолгой" ХХК гүйцэтгэх захирал Я.Батсуурь: "Чалько"-гийн өр нүүрсний үнэд нөлөөлсөн

Өнөөдөр Монголын компаниуд нүүрсээ 35 ам.доллараар зарж байгаа. "Чалько"гийн өр манай нүүрсний үнэд маш их нөлөөлсөн. Одоогийн байдлаар Чалкод  төлөх  өр 110 сая ам.доллар  үлдээд байна. Бид  энэ  эцсээр төлөхөөр тооцоолж  байна. Харамсалтай  нь  сайнгүй  л  байна. Өдөр  шөнөгүй  нүүрсээ зөөгөөд ч өрөө дарж  чадахгүй байгаа. Хятадын зах зээлд нүүрсний үнэ  улам  унасаар  байна. Бид лөнгөрсөн  жилд  нүүрсний үнийг  тогтвортой  байлгахаар Чалкотой  нэмэлт гэрээ байгуулсан. /Монголын үнэн  2014.08.15/