Ord.mn | Mongolian Mining
| English |  Mobile |  Rss

Оюутолгойг зогсооно гэх заналхийлэл

Оюутолгойг зогсооно гэх заналхийлэл

 

Үндэстэн дамнасан корпораци Рио Тинто-гийн Зэс,очир эрдэнийн группийн гүйцэтгэх захирал А.Суарат Монголд ирэнгүүтээ 2019 оны 5дугаар сарын 2-ны өдөр www.itoim.mn сайт дээр нийтлэл гаргаж манай төр,засгийн удирдлагууд, уг чанартаа нийт монголчуудад хандаж ихээхэн ноцтой ба хачирхалтай мэдэгдлийг хийсэн билээ.

Гол агуулга нь гэвэл, бид Оюутолгойн гэрээнүүдийн "нэг ч заалтыг өөрчлөхөөр хэлэлцээ хийхгүй” гэж хатуу мэдэгдээд, эдгээр гэрээнд "өөрчлөлт оруулах аливаа оролдлого гаргах нь бидний мэдлээс хэтэрсэн ноцтой үр дүнд хүргэж болзошгүй юм”,”гэрээнүүд хөндөгдсөнөөр бидэнд бизнес үргэлжлүүлэх бололцоогүй болно. Бидний хамтын уурхайн үйл ажиллагаа ч зогсоно”, ”Би гүний уурхайн төслийг зогсоохыг хүсэхгүй байна. Гэвч ...гэрээнүүдийн аливаа заалтыг дахин хэлэлцэхийг даалгах аваас бидэнд өөр сонголт үгүй” гэж үзэл бодлоо сонордуулсан.

Юуны өмнө энэ мэдэгдэл Рио Тинто компанийн удирдлагын нэгдсэн байр суурийг илэрхийлж буй гэдэгт эргэлзэх хэрэггүй биз ээ. Компанийн нэг захирал нь дээд удирдлагатайгаа ойлголцож зөвшилцөхгүйгээр дур мэдэн ийм ноцтой зүйлийг өөр улс орны түншүүддээ, тэгэх тусмаа эрх баригчдад нь хандаж бичих магадлал үнэндээ өчүүхэн бага. Нөхцөл байдал,гарах үр дагавар,тэр ч байтугай өөрсдийн чадавх,нөөц боломжийг нарийн тооцож бодолцсон байж таарна. Иймд монголчууд дээрх мэдэгдлийн утга санаа,өнгө төрх,үг үсгийг нарийвчилж үзэх нь зүйтэй юм.

Мэдэгдлийг хоёр янзаар хүлээн авч болохоор байгаа. Хамгийн эерэгээр авч үзвэл, гэрээнүүдэд өөрчлөлт оруулах аливаа оролдлого,санаархлаасаа татгалзахыг манай эрх баригчдад "зөвлөж”, эс бөгөөс гүний уурхайг зогсооно хэмээн анхааруулжээ гэж ойлгож болно.

Харин хамгийн сөрөг өнцгөөс харвал, гаднынхан үг дуугүй бууж өгөхийг тулган шаардаж, эс биелүүлэх аваас Оюутолгойн үйл ажиллагааг бүхэлд нь зогсоох хүртэлх алхмуудыг хийнэ гэж эргэлт буцалтгүй шийджээ гэж үзэж болохоор.

Сайн,муу энэ хоёр хувилбар хоорондоо онцын ялгаагүй байгаа нь анхаарал татаж сэрдхийлгэж буй юм. Аль аль нь Оюутолгой төслийг наанадаж саатуулах, цаашилбал бүр зогсоох сүрдүүлэг,заналхийллийн агуулгатай нь илэрхий ажээ. 

Рио Тинто компани түнш орныхоо удирдлагууд ба иргэдтэй тулган шаардалт,заналхийллийн өнгө хэл,арга барилаар харилцаж буй нь яавч хүлээн зөвшөөрөх боломжгүй зүйл гэдгийг юуны өмнө хэлэх ёстой. Тэд ийм байдал гаргаснаараа тэртэй тэргүй амаргүй орчинд явагдаж буй хамтын ажиллагаанд тун таагүй уур амьсгалыг үүсгэв. Томоохон эрсдлийг ч бий болгож байна. Үүнийг ухаарахгүй байна уу? аль эсвэл зориуд бий болгох сонирхол байна уу? гэдгийг хэлэхэд төвөгтэй.

Ямартай ч Рио Тинто Монголын талд хандан байр сууриа тов тодорхой илэрхийлж, цаашдын түншлэлд баримтлах ”улаан шугам”-нуудаа тодорхойлчихлоо. Эдгээрийг нь энгийн үгээр дахин сийрүүлвэл, татварын маргааныг шийдвэрлэх, зээлийн хүүг бууруулах зэрэг жижиг, ач холбогдол багатай асуудлыг авч хэлэлцэж болох юм, харин гэрээнүүдэд ямарваа нэгэн өөрчлөлт оруулах чухал асуудлыг бол ярилцах ч үгүй шүү гэсэн ажээ. Үүнийг Монголын тал сайтар тунгаан бодох хэрэгтэй болж байна. Олон арван жилээр хамтран ажиллах учиртай түнш атлаа ингэж нэгэндээ эелдэг бусаар хандаж хатуурхаж байгаа нь нэг л биш бөгөөд элдэв эргэлзээ,хардлагыг зайлшгүй төрүүлж байна.

Гэтэл гаднынхан үүгээр зогссонгүй дээр нь бас дэндүү даварсан шаардлагыг нэмж тавьсныг  уншиж болно. Юу вэ гэвэл, "гэрээнүүдийн аливаа заалтыг дахин хэлэлцэхийг даалгах аваас бидэнд өөр сонголт үгүй” гэж "лүндэндсэн” байгаа юм. Энэ нь гүний уурхайн төслийг зогсоохоос өөр сонголт үгүй гэсэн үг. Яалаа гэж зогсоох вэ гэвэл, гэрээнүүдийн аливаа заалтыг өөрчлөх зорилгоор УИХ,Засгийн газраас ямарваа нэг үүрэг даалгавар өгөгдөх л юм бол гүний уурхайн төслийг зогсооно гэж заналхийлжээ.

Тэднийхээр бол манай төр,засаг гэрээнүүдийг өөрчлөх талаар ямар ч шийдвэр гаргаж болохгүй болж таарч байна. Шийдвэр гаргалаа л бол гүний уурхайн төсөл шууд зогсох юм гэнэ.

Аливаад хэмжээ хязгаар байдаг. Гаднын нэг компани Монголын төр,засгаас ямар шийдвэр гаргаж болох,болохгүйг ингэж улайм цайм зааж,тулган шаардаж байгааг юу гэж үзвэл зохилтой вэ? Үүнийг эрх баригчид төдийгүй монголчууд нийтээрээ эргэцүүлэн бодох хэрэгтэй болж байна. Монгол маань бүрэн эрхт, тусгаар тогтносон улс мөн юм бол гаднынхны энэ хэт даварсан үйлдэлд манай эрх баригчид тохирсон хариуг нь барих ёстой биш гэж үү?

"Цаг цагаараа,цахилдаг хөхөөрөө байдаггүй” гэж монголчууд ярьдаг. Сүүлийн үед Монгол Улсад болон Оюутолгойн эргэн тойронд олон зүйл гадаадынхны хүссэн,төсөөлснөөр явахаа больж буйг Рио Тинто-гийн удирдлагууд эмзэглэн хүлээн авч дургүйцэл, уур уцаараа ийнхүү гаргаж буй тал бий байх. Ялангуяа гэрээнүүдийг өөрчлөх үзэл бодол,шаардлага  нийгэмд улам газар авч, эрх баригчдын зүгээс ч гэрээнүүдийг эргэн харах хүсэл,зориг нэмэгдсэн нь тэднийг мэдээж түгшээн цочроож буй. Оюутолгой төсөл тэдний хувьд бүр эхнээсээ өндөр ашиг шимтэй "саалийн үнээ” байсан. Гэтэл нөхцөл байдал өөрчлөгдөх янзтай болж энэ төсөл дэх хязгааргүй эрх мэдэл, дураараа тонгочих боломж  нь дуусгавар болох гээд, бульхай луйвар нь баримтаар нотлогдох гээд байгаа тул сандарч тэвдэж буй бололтой. Иймээс ч "үхэхдээ үхэр буугаа тавина” гэгчээр эрээ цээргүй тулган шаардах,сүрдүүлэх,заналхийлэх арга хэлбэрт шилжсэн байж мэднэ.

Монголчуудтай хүндэтгэлтэй бус  өнгө аяс,байдлаар харьцаж буй нь шинэ үзэгдэл биш гэдгийг хэлэх ёстой. Манай үе үеийн эрх баригчид гаднынхныг өөгшүүлэн даврааж, олон тохиолдолд тэдэнд буулт хийж, бүр бууж өгч ирсний гор энэ юм. Нөгөөтэйгүүр эрх ашгаа хамгаалж чаддаггүй сул дорой улс үндэстэн, гэнэн тэнэг хүмүүстэй Барууныхан дээрэнгүй үзэл,түрэмгий байдлаар хандаж ирснийг дэлхийн түүх батлан харуулдаг.

Харилцааны ёс зүй,соёлыг жижиг зүйл хэмээн үзээд (ингэх нь мэдээж буруу юм) гол гогцоо асуудалдаа эргэж орвол энд яах аргагүй гэрээнүүдийн агуулга,эрх зүйн чадамж хөндөгдөнө.

Энэ тал дээр аль хэдийн үүсээд, одоо дэлбэрэхдээ тулсан хамгийн ноцтой нөхцөл байдал бол бүр анхнаасаа туйлын урагшгүй гэрээнүүд байгуулагдсан явдал юм. Үүнээс болж улс орон төдийгүй эрх баригчид ч, мөн гадаадын түншүүд ч хүнд байдал,ацан шалаанд орчихоод байгаа.

Туйлын урагшгүй гэдэг нь гэрээнүүдийн агуулга Монголын талд дэндүү хохиролтой болсон гэдгээр хязгаарлагдахгүй. Үүнээс дутахааргүй ноцтой байдал үүсч лавширсан нь эдгээр гэрээ бүр анхнаасаа хууль зөрчсөн агуулгатайгаас гадна бас хууль зөрчсөн үйлдлээр хийгдсэн тул яг ном,журмаараа бол анхнаасаа эрх зүйн чадамжгүй, тиймээс анхнаасаа хүчин төгөлдөр бус хэлцлүүд болсонд байгаа юм.

Энэ үнэнээс зайлсхийх гэж манай эрх баригчид ч, мөн гаднынхан ч өнөөг хүртэл дүлий дүмбэ царайлсаар ирсэн. Ингэснээрээ тэд өөрсдийгөө болон өрөөлийг улам их эрсдэлд оруулж, бараг гарцгүй шахуу болчихоод бантагнан хямарсаар байна. Монгол Улс,үндэстний тухайд бол томоор яривал, тэд хөгжлийн ирээдүй,хувь заяагаар нь дэнчин тавьж "тоглосоор” байна.

Бизнесийн түншүүдийн итгэлцэл нь үнэн ба хуульт ёсонд суурилсан байж гэмээнэ цаг хугацааны сорилтыг давж чаддаг. Гэтэл эдгээр шалгуур,шаардлагыг Оюутолгойн гэрээнүүд бүр анхнаасаа хангаж чадаагүй. Худал бусармаг ба хууль бус зүйл бөөн бөөнөөрөө болсон. Үүнийг манай эрх баригчид ч, мөн гаднынхан ч мэдэхийн дээдээр мэднэ. Тэгсэн атлаа мэдээгүй, ойлгоогүй дүр эсгэн "жүжиглэж”, өөрөөр хэлбэл нэг нэгнийгээ хууран мэхэлсэн, тэрчлэн нэгнийгээ дарамт шахаанд оруулсан орчинд эдгээр гэрээг байгуулсан. Үүн дээр авлига,хуйвалдааны хүчин зүйлс нэмэгдэж нөлөөлсөн байх өндөр магадлалтай.

Эдгээр болон бусад нөхцөл байдлын улмаас Оюутолгойн гэрээнүүдийг хэвээр нь үлдээх ямар ч боломжгүй байгаа билээ. Анхнаасаа эрх зүйн чадамжгүй гэрээнүүдийг хүчин төгөлдөр мэтээр үзэж аашлах нь зөв шийдэл биш бөгөөд тун явцгүйгээс гадна өөрөө хууль зөрчсөн үйлдэл гэдгийг ч мөн хаана хаанаа, юуны түрүүнд манай эрх баригчид эрхбиш бодолцмоор байгаа юм.

Гэрээнүүдийн хувьд ийм эмгэнэлтэй ба хөгийн гэхээр нөхцөл байдал үүсч даамжирсан нь гэрээ байгуулсан хариуцлагагүй үйлдэлтнүүдийн гэм буруу. Аль эртнээс засч залруулахыг шаардаж,анхааруулсаар байхад үл ойшоож,үл тоомсорлож  ирсэн дотоод,гадаадын эрх мэдэлтнүүдийн нүгэл.

Нөгөө талаар "цөөн хүний хууль зөрчсөн үйлдлийн үр дагавар,уршиг балгыг ард түмэн хариуцахгүй,үүрэхгүй,хүлээн зөвшөөрөхгүй. Тийм эрх зүйн зохицуулалт ч байхгүй гэдгийг Оюу Толгойн төсөлд хөрөнгө оруулагчид ойлгох ёстой” юм (www.sonin.mn/news/politics-economy/10609).

Гамшгийн уршигтай гэрээнүүдийг өөрчлөх бодит хэрэгцээ,шаардлага Монголын нийгэмд бий болсныг гаднынхан ойлгохыг хүсэхгүй, чадахгүй байгаа нь бас тун харамсалтай. Тиймээс хуучин янзаараа хүчээр далайлган сүрдүүлж,одоо бүр заналхийлж  байгаа нь гарц,шийдлийг улам хүндрүүлж байна. 

Монголын бодит байдлыг тайлбарлан ойлгуулах хүсэл,чадвартай мэргэжилтнүүд,зөвлөхүүд тэдэнд байдаггүй бололтой юм. Байсан бол Рио Тинто-гийн удирдлагууд ийм болчимгүй, хамтын ажиллагаанд хортой мэдэгдлийг хийхгүй байх байсан биз ээ.

Рио Тинто-гийн гэнэтийн мэдэгдэл ихээхэн сөрөг агуулгатай ч урьдчилан төсөөлөөгүй нааштай үйлчлэл,үр дагаварт хүргэж болзошгүй байгааг хэлэх хэрэгтэй. Нэгд, гаднынхны байр суурь, ”улаан шугам”-нууд маш тодорхой болсноор монголчууд бодит байдалтайгаа хүссэн,хүсээгүй нүүр тулж байна. Энэ нь ялангуяа манай эрх баригчдад гашуун ч гэсэн сайн эм болох магадлалтай. Хоёрт, эрх баригчид бодлого, байр сууриа дахин нягтлах, илүү нарийн тодорхойлох шаардлага, шахалт үүслээ. Гуравт,гэрээг өөрчилж,сайжруулах боломжтой гэж олон жилийн туршид худал ярьж,ард түмнээ хууран мэхэлж ирсэн цөөнгүй улстөрчид гаднынханд "амаа тас алгадуулснаар” одоо дахин худал үгээрээ олон нийтийг төөрөгдүүлэх боломжгүй болж буйд баярлууштай. Дөрөвт,улстөрчид хэн нь хэн бэ? гэдгээ харуулж,тараа таниулах цаг мөч ирж байна. Тавд гэвэл, Оюутолгой төслийн эргэн тойронд хуримтлагдсан олон  асуудал,зөрчлийг шийдэх үйл явц хурдсах төлөвтэй болж байна. Ингэснээр хуульт бус байдал болон худал хуурмагт суурилсан гэрээнүүд ба төслийн битүү,”өмхий” орчин задарч, үнэн зөвийн үнэр,салхи тэнд нэвтрэх боломж бүрдэж магадгүй байна.

Гадаадын хөрөнгө оруулагч хэнбугай ч үйл ажиллагаа явуулж буй орныхоо хууль тогтоомж,дэг журмыг бусдын адил дагаж мөрдөх учиртай билээ. Гэтэл Оюутолгой төсөлд оролцож буй гаднынхан энэ мэдээжийн үүрэг, шаардлага,ёс зүйг удаа дараа зөрчсөн төдийгүй өөрсдийнхөө эрх зүйн ойлголт,хэм хэмжээг монголчуудад тулган хүлээлгэх оролдлогыг хийж, зарим тохиолдолд бүр манай урагшгүй албан тушаалтнуудаар хүлээн зөвшөөрүүлж дөнгөсөн байдаг. Энд тухайлбал төслийн ТЭЗҮ, татвар тооцох аргачлалтай холбоотойгоор болж өнгөрсөн бусармаг явдлуудыг дурдаж болно.

Хууль зөрчсөн гэрээнүүдийг засч залруулж, хууль зүйд нийцүүлэх гэж одоо оролдож эхлэнгүүт ямар ч өөрчлөлт оруулахыг зөвшөөрөхгүй, тийм хэлэлцээ хийхгүй гэж том дуугаар мэдэгдэж байгаа нь Монголын хууль зүйд гаднынхан хэрхэн хандаж буйг, өөрөөр хэлбэл хэрхэн танхайрч байгаагаа нотолсон хөдөлшгүй баримт юм. Ийм үйлдлээрээ тэд Үндсэн хууль болон бусад хууль тогтоомжоо бүү дагаж мөрдө, бүү хэрэгжүүлж амьдар гэсэнтэй агаар нэг дэндүү ёс зүйгүй шахалт,шаардлагыг монголчуудад тулгаж байна гэдгээ ойлгодог ч болоосой. 

Монгол Улсын хууль зүйг үл тоомсорлох аливаа хандлага,байдлыг бие даасан монголчууд бид хэрхэвч хүлээн зөвшөөрөх боломжгүй. ”Монгол Улсын хууль тогтоомжийг дагаж мөрдөхөөс өөр зам гадаадын хөрөнгө оруулагчдад байхгүй. Энэ мэдээжийн зүйлийг хүлээн зөвшөөрөхөөс татгалзаж буй хэнбугайд ч монголчууд бид шууд "баяртай” гэж хэлж байна...Оюутолгойн гэрээ нь хууль бус үйлдлүүдээр хийгдсэнээс гадна хууль тогтоомжийг зөрчсөн агуулгатайгаар байгуулагдсан тул анхнаасаа эрх зүйн чадамжгүй,тиймээс анхнаасаа хүчин төгөлдөр бус хэлцэл мөн юм. Энэ үнэнийг үргэлжлүүлэн үл ойшоох аваас улам их ноцтой үр дагаврыг авч ирж болзошгүй гэдгийг бид дахин анхааруулж байна...Оюутолгойн асуудал буруу гольдрилоор орж улам бүр ээдрээтэж буйн бүхий л хариуцлагыг гэрээг байгууулсан ба дэмжсэн хүмүүс хүлээнэ. Бидний ойлгож байгаагаар, гадаад түншүүд ч өөрт ногдох хариуцлагаа үүрч, гаргасан алдаа,эндэгдэл,төөрөгдлийнхөө асар өндөр төлбөрийг төлж таарна” гэж 2013 оны 7дугаар сард Оюу Толгой ХХК-ийн ТУЗ ба Удирдлагын хороонд хандан бичиж байсныгаа энд эшлэе.

Одоо Оюутолгойг тойрсон хэрэг явдал нэлээд эгзэгтэй үе шат руугаа орж байна. УИХ-ын Ажлын хэсгийн тайлан,дүгнэлт, Үндэсний Аудитын Газар болон Авлигатай Тэмцэх Газрын шалгалтын дүнг парламентэд ирэх долоо хоногоос хэлэлцэж эхлэх нь. Дараа нь нийтээрээ хэлэлцэж, аль болох нэгдсэн ойлгоц,байр суурьд хүрэх нь зүйтэй. "Бүгдээрээ хэлэлцвэл буруугүй” гэдэг зарчим Оюутолгойн амин чухал асуудал дээр яг нийцэх юм.

Асуудлыг үндэс сууриар нь засч цэгцлэхгүй бол Монголын байр суурь,байдал улам доройтож сульдах болно. Оюутолгойн гайхамшигт нөөц баялаг Бороогийн замаар орж золиослогдоход хүрнэ. Хууль зүйг огоорон танхайрах боломж,үүд хаалгыг гаднынханд бүрмөсөн нээж өгнө. Бүр цаашилбал улс орны хөгжлийн ирээдүйг харанхуйтуулан баллах болно. Ийм үр дүнг хүсэх, мөн хүлээн зөвшөөрөх нэг ч монгол хүн байхгүй биз ээ гэж найдаж байна.

Р.Эрхэмбаяр, "Ирээдүйтэй хөгжил” зөвлөл, 2019.05.08. 

Оюутолгойг зогсооно гэх заналхийлэл
Та Like дарж уул уурхайн мэдээллийг өдөр болгон facebook-ээр дамжуулан авах боломжтой


URL


АНХААРУУЛГА: Уншигчдын бичсэн сэтгэгдэлд Ord.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.

Сэтгэгдлүүд:

Сэтгэгдэл нэмэх
Шинэ мэдээ
2024 оны 03 сарын 15, 13 цаг 05 минут
Монголын нүүрс хятадуудад гологдож, бид гол худалдан авагчаа алдахдаа тулсан уу

 Өдөрт хэдэн зуун тонноороо урд хөршийн хил давдаг Монголын нүүрс ...

2024 оны 03 сарын 15, 13 цаг 03 минут
2024 оны 03 сарын 15, 13 цаг 00 минут
ТАСС: ОХУ Монголд бага оврын атомын цахилгаан станц барина

 ОХУ-ын цөмийн зэвсгийн "Росатом" корпорац жижиг оврын атомын ...

2024 оны 03 сарын 14, 23 цаг 11 минут
Монгол Улс ураны салбарт хоёр дахь Казакстан болж чадах уу

  Ураны салбарт томоохон байр суурь эзлэх Казакстан ч манай улстай ...

2024 оны 03 сарын 14, 22 цаг 22 минут
2024 оны 03 сарын 14, 19 цаг 25 минут
ОХУ нефтийн экспортоос Украины дайны өмнөх үеийнхээс ч илүү их ашиг олжээ

 Орос нефтийн экспортоос Украины дайны өмнөх орлогоос илүү их ашиг ...

2024 оны 03 сарын 14, 15 цаг 05 минут
Дэлхийн хийн эрэлт нэмэгдэнэ

 АНКАРА, 2024 оны гуравдугаар сарын 14 /Anadolu/. Дэлхийн ...

2024 оны 03 сарын 14, 14 цаг 31 минут
Дэлхийн хийн эрэлт нэмэгдэнэ

    Дэлхийн байгалийн хийн эрэлт 2050 онд 2022 ...

2024 оны 03 сарын 14, 14 цаг 16 минут
Тараасан ордуудаа “хураах”-гүйгээр баялгийн сан бүрдэх үү?

 Ер нь бол ингэхгүйгээр Баялгийн сан бүрдэхгүй. "Өрөм”-өө тэдэнд ...

2024 оны 03 сарын 14, 11 цаг 46 минут
Суга татуулсан стратегийн ордуудын бас нэг жишээ: ЦАГААН СУВАРГЫН ОРД

 Дорноговь аймгийн Мандах сумаас баруун урагш 75 км зайд 132.39 га ...

2024 оны 03 сарын 14, 11 цаг 38 минут
Ганцхан жишээ: Тавантолгойн ордын "өрөм"-ийг ингэж хамсан

      Тавантолгойн нүүрсний орд газар нь ...

2024 оны 03 сарын 14, 08 цаг 24 минут
БНХАУ-ын нүүрсний уурхайнуудад гарсан ослын улмаас 12 хүн амь эрсдэв

      БНХАУ-д өнгөрсөн онд уурхайн ослоор амиа алдагсдын ...

2024 оны 03 сарын 13, 14 цаг 37 минут
Францын их, дээд сургуульд 10 оюутныг тэтгэлгээр суралцуулна

      Боловсрол, Шинжлэх ухааны яам, Бүгд Найрамдах ...

2024 оны 03 сарын 13, 14 цаг 31 минут
Оросын нүүрсний салбар олборлолт, экспортоо БАРЬЖ ЧАДАХ уу?

 Оросын Засгийн газар нүүрсний экспортын татварыг сэргээгээд байна. ...

2024 оны 03 сарын 13, 14 цаг 02 минут
Хятад Улс таримал ойн талбайгаараа дэлхийд тэргүүлж байна

Үндэсний ногоон байгууламжийн хорооны нийтэлсэн "Хятадын газар нутгийг ...

2024 оны 03 сарын 12, 14 цаг 43 минут
Энэтхэг улс зэсийн салбарт хамтран ажиллахаа илэрхийлжээ

 Энэтхэг Улс Монгол Улстай зэсийн салбарт хамтран ажиллахаа ...

2024 оны 03 сарын 12, 10 цаг 45 минут
Ахмадуудад гэрийн асрамж үйлчилгээ авах боломж бүрдүүлнэ

03 дугаар сарын 08-ны үдээс өмнө Ардын их хурлын ордонд 14 дэх сонгуулийн ...

2024 оны 03 сарын 11, 18 цаг 11 минут
Дэлхийн хамгийн том зам тээврийн сүлжээ бүрдүүлэв

Өнөөдөр гуравдугаар сарын 08-ны үдээс өмнө Ардын их хурлын ордонд 14 дэх ...

2024 оны 03 сарын 11, 17 цаг 59 минут
Хөдөө нутгийн хөгжлийн ирээдүй шинжлэх ухаан технологид бий

Өнөөдөр гуравдугаар сарын 08-ны үдээс өмнө Ардын их хурлын ордонд 14 дэх ...

2024 оны 03 сарын 11, 17 цаг 49 минут
”Хоёр чуулган”-аас Хятад улсыг ойлгоё

Хятад улсын "Хоёр чуулган" нь "Ардчилал гэж чухам юу вэ?" гэх тухай даян ...

2024 оны 03 сарын 11, 17 цаг 40 минут
2024 онд хүлээгдэж буй ДНБ-ий өсөлт 5 хувь орчим байна

XIV сонгуулийн БХАТИХ-ын II чуулган 05-ны үдээс өмнө Бээжин хотноо АИХ-ын ...

2024 оны 03 сарын 11, 17 цаг 26 минут
14 дэх удаагийн УТЗЗ-ийн бүх Хятадын хорооны хоёрдугаар чуулган өндөрлөв

14 дэх удаагийн УТЗЗ-ийн бүх Хятадын хорооны хоёрдугаар чуулган ...

2024 оны 03 сарын 11, 17 цаг 16 минут
Сайн багштай учрах нь нэгэн насны завшаан юм

3 сарын 7-ны үдээс өмнө 14 дэх удаагийн УТЗЗ-ийн БХХ-ны хоёрдугаар ...

2024 оны 03 сарын 11, 17 цаг 07 минут
Дэлхийн эдийн засгийн чухал хөдөлгүүр Хятад юм гэв

Хятадын хоёр чуулганыг олон орны эрдэмтэд анхааралтай ажиглаж байна. ...

2024 оны 03 сарын 11, 16 цаг 43 минут
Ван И: 2023 он бол Хятадын дипломат харилцааны хөгжлийн онцлог жил

    14 дэх сонгуулийн БХАТИХ-ын хоёрдугаар ...

2024 оны 03 сарын 11, 12 цаг 29 минут
Б.Баттулга: Монгол Улсад ганцхан байдаг уул уурхайн аврах ангийн аврагч гэдгээрээ бахархдаг

 ОБЕГ-ын харьяа Уул уурхайн аврах 09 дүгээр ангийн Эрэн хайх салбарын ...

2024 оны 03 сарын 07, 16 цаг 15 минут
Хятадын эдийн засаг гараа сайтай эхэлж байна

Энэ  жилийн цагаан сар Хятадын эдийн засгийг ажиглах цонх болж байна. ...

2024 оны 03 сарын 07, 15 цаг 59 минут
Хятад, Европ чиглэлд ачааны 85 мянган галт тэрэг аялжээ

Хятад, Европ чиглэлийн ачааны галт тэрэг явж эхэлснээс хойш үйл ажиллагаа ...

2024 оны 03 сарын 07, 15 цаг 49 минут
2024 онд хүлээгдэж буй ДНБ-ий өсөлт 5 хувь орчим байна

XIV сонгуулийн БХАТИХ-ын II чуулган 05-ны үдээс өмнө Бээжин хотноо АИХ-ын ...

2024 оны 03 сарын 07, 15 цаг 33 минут
Өвөр Монгол Бээжин-Тяньжин-Хэбэй-гийн хамтарсан хөгжлийн ажиглагч болохыг дэмжинэ

14 дэх удаагийн Бүх Хятадын Ардын Төлөөлөгчдийн Их Хурлын хоёрдугаар ...

2024 оны 03 сарын 07, 15 цаг 04 минут
2024 оны 03 сарын 07, 10 цаг 56 минут
2024 оны 03 сарын 07, 10 цаг 14 минут
Хятад-Лаос төмөр замын анхны хүйтэн гинжин галт тэрэг хөдлөв

Энэ он гарснаас хойш Чэндүгийн олон улсын галт тэрэгнүүд импортын бараа ...

2024 оны 03 сарын 05, 17 цаг 55 минут
Хятад улс үндэсний хүүхдийн эмнэлгийн 16 төв барихаар төлөвлөжээ

Хятад улс үндэсний хүүхдийн эмнэлгийн 16 төв барихаар төлөвлөжээ. ...

2024 оны 03 сарын 05, 17 цаг 11 минут
Хятадын өвлийн спортын XIV наадамд маш олон сайн дурчууд ажиллаж байна

Хятадын өвлийн спортын XIV наадмын нээлтийн ёслол 02-р сарын 17-ны орой ...

2024 оны 03 сарын 05, 16 цаг 06 минут
Унц алтны үнэ түүхэн дээд түвшинд хүрчээ

      Даваа гаргийн арилжааны явцад алтны фьючерс ...

2024 оны 03 сарын 05, 15 цаг 24 минут
Хятадад Хаврын баярын хэрэглээ ”сайн эхлэлтэй” байна

Хаврын баяраар аялал жуулчлалын хэрэглээний хэд хэдэн үзүүлэлт шинэ дээд ...

2024 оны 03 сарын 05, 14 цаг 35 минут
Гадагшаа аялахад шинэ өөрчлөлтүүд гарч байна

Гадагшаа аялахад шинэ өөрчлөлтүүд гарч байна ...

2024 оны 03 сарын 05, 14 цаг 02 минут
Хайнань мужийн жуулчдын тоо, аялал жуулчлалын орлого шинэ дээд хэмжээнд хүрчээ

Саяхан Хайнань мужийн Аялал жуулчлал, соёл, радио, телевиз, спортын ...

2024 оны 03 сарын 05, 13 цаг 27 минут
УТЗЗ-ийн 14 дэх удаагийн БХХ-ны 2-р чуулганы нээлт болно

УТЗЗ-ийн 14 дэх удаагийн БХХ-ны 2-р чуулган өнөөдөр гуравдугаар сарын ...

2024 оны 03 сарын 05, 13 цаг 10 минут
Бүлэглэн хууль бусаар ашигт малтмал олборлосон этгээдүүдийг илрүүлж, техникүүдийг битүүмжиллээ

 Экологийн цагдаагийн албаны алба хаагчид Сэлэнгэ аймгийн нутаг ...

2024 оны 03 сарын 05, 13 цаг 02 минут
2024 оны 03 сарын 05, 11 цаг 32 минут
Барууны орнуудад хаагдаад байсан ураны уурхайнуудыг дахин ажиллуулж эхэлжээ

 НЬЮ-ЙОРК, 2024 гуравдугаар сарын 4 /Bloomberg/. Цөмийн эрчим ...

2024 оны 03 сарын 05, 10 цаг 30 минут
Эрдэс баялгийн салбарын томоохон арга хэмжээ PDAC2024 чуулган үргэлжилж байна

 Уул уурхай, ашигт малтмалын хайгуулын салбарын хамгийн том арга ...

2024 оны 03 сарын 04, 17 цаг 27 минут
Газрын тосны үнэ өсжээ

 ЛОНДОН, 2024 оны гуравдугаар ...

2024 оны 03 сарын 04, 17 цаг 07 минут
"Оюутолгой”-н баяжуулах үйлдвэрийн агуулахад гал гарчээ

 "Оюутолгой” компанийн уурхайн талбар дахь баяжуулах үйлдвэрийн зүүн ...

2024 оны 03 сарын 04, 14 цаг 13 минут
Европын Холбоо яагаад Оросын хийн импортыг ХОРИГЛОЖ ЧАДАХГҮЙ байгаа вэ?

  Европын Холбоо яагаад Оросын байгалийн хийн импортыг хориглох ...

2024 оны 03 сарын 04, 10 цаг 26 минут
"...Нүүрсний хамгийн том компанид намаа өгчихлөө”

 Ногоон намын түүх нэлээд сонирхолтой. Ногоон зам, Монголын ногоонтны ...

2024 оны 03 сарын 04, 10 цаг 10 минут
Шатахуун экспортлохыг хориглох шийдвэр хэрэгжиж эхэлжээ

 МОСКВА. 2024 оны гуравдугаар сарын 1 /Anadolu/. Орос улсаас ...

2024 оны 03 сарын 01, 19 цаг 40 минут

Санал асуулга

Тавантолгойн хувьцааг иргэдэд бэлнээр тараах нь зөв үү?

Зөв
Буруу
Мэдэхгүй

 
Ханшийн мэдээ
Гадаад хувьцаа
Нью йоркын хөрөнгийн бирж
Нэр Хаалт Өөрчлөлт
BHP Billiton
Ivanhoe Mines
90.53
23.3
1.44
0.00
Австралийн хөрөнгийн бирж
Нэр Хаалт Өөрчлөлт
General Mining Corp
Aspire Mining Limited
0.145
0.52
0.00
-0.02
Лондонгийн хөрөнгийн бирж
Нэр Хаалт Өөрчлөлт
Petro Matd Limited
polo Resources Limited
123.5
5.4
0.00
0.02
Хонконгийн хөрөнгийн бирж
Нэр Хаалт Өөрчлөлт
Mongolian Mining Corporation
Mongolia Energy
9.59
1.14
0.00
-0.06
Торонтогийн хөрөнгийн бирж
 
Шинэ бүтээл

“Этик” продакшны залуус "улсын нууц"-ыг сөхлөө
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани