Дэлхийн технологи дэргэд ирлээ...

"MONGOLIA MINING 2014”ОЛОН УЛСЫН УУЛ УУРХАЙН ҮЗЭСГЭЛЭН НЭЭГДЭХЭД БЭЛЭН БОЛЛОО

Энэ долоо хоногт Монголын уул уурхайн хамгийн том үзэсгэлэн Mongolia Mining 2014 олон улсын уул уурхайн үзэсгэлэн нээгдэх гэж байна. Үзэсгэлэн 2014 оны 4 сарын 10-12-ны өдрүүдэд гурван өдрийн турш Буянт Ухаа спортын ордонд болно.

Урьд урьдынхаас улам өргөжсөн Mongolia Mining 2014 үзэсгэлэнд 16 орны 120-иод компани оролцоно. Уламжлалт түнш орнууд болох БНХАУ, ОХУ, Автрали, АНУ, Герман, Турк, Польш, Япон, Казахстанаас гадна Их Британи, Итали, БНСУ, Словак, Сингапур зэрэг орнуудаас дэлхий дахинд үйл ажиллагаа явуулдаг компаниуд оролцож байна. Ийнхүү уул уурхайн салбарынхан сүүлийн үеийн техник, технологитой танилцахын тулд улс дамжин, тив алгасан явахгүйгээр дэргэдээсээ техникийн хөгжлийн чиг хандлагыг олж мэдэн, хэрэгтэй тоног төхөөрөмжөө олж авах боломжийг Mongolia Mining 2014 олгож байна. Уул уурхайн салбарт бүтээгдэхүүн нийлүүлж ирсэн дотоодын хамгийн шилдэг ханган нийлүүлэгчид шинэ, онцлог бүтээгдэхүүнээ танилцуулна.

Mongolia Mining цувралын 4-дэх удаагийн арга хэмжээ болох энэ жилийн үзэсгэлэн эрдэс баялгийн үйлдвэрлэлийн салбараас гадна газрын тосны салбарыг хамран хийгдэж байгаа бөгөөд зам, барилга, дэд бүтцийн бүтээн байгуулалтад чухал хэрэгтэй техник, тоног төхөөрөмжүүдийг ч дэлгэн харуулна. Mongolia Mining 2014 эдгээр салбарт үйл ажиллагаа явуулж байгаа бизнесийн байгууллагуудад технологио шинэчлэн өрсөлдөх чадвараа сайжруулах, тоног төхөөрөөмжийн худалдаа эрхлэгч, дистрибьютерүүдэд шинэ нийлүүлэлгчидтэй хамтран ажиллах бизнесийн боломж олгоно.

Үзэсгэлэнгийн үеэр хурлын танхимд семинар, гадаад дотоодын оролцогчдын хамтын ажиллагааны уулзалт, уул уурхайн комданиудын төслийн танилцуулга хийгдэнэ. Уул уурхайн яам, Ашигт малтмалын газар, Цөмийн энергийн газраас уул уурхайн салбарын өнөөгийн байдал, хэтийн төлвийн талаар ярилцлага хийнэ. Мөн Mongolia Mining 2014 үзэсгэлэнгийн хамтран зохион байгуулагч Эрдэнэс МонголХХК болон Эрдэнэс Таван толгой ХХК, Оюу толгой ХХК, Эрдэнэт үйлдвэр ТӨҮГ, Багануур ХК, Шивээ Овоо ХК зэрэг томоохон уул уурхайн компаниуд оролцож, төсөл хөтөлбөр, хэтийн төлөв, худалдан авалтын шаардлагын талаар үзэсгэлэн гаргагчид, ханган нийлүүлэгчидтэй ярилцлага хийнэ.

Ийнхүү уурхай ба ханган нийлүүлэгч, олон улсын технологи ба дотоодын уул уурхай, төр ба хувийн хэвшлийн хамтын ажиллагааг идэвхтэй дэмжиж ирсэн Mongolia Mining үзэсгэлэнгийн энэ удаагийн дугаар уул уурхайн салбарынхны хамгийн том цугларалт болно.

Зохион байгуулагчид Mongolia Mining 2014 үзэсгэлэнгийн талаар мэдээллийг олон нийтэд тасралтгүй түгээж ирсэн бөгөөд үзэсгэлэндзочлох хүсэлтэй хүмүүсийг урьдчилан бүртгэсэн. Үзэсгэлэнг очиж үзэхээр 2000 гаруй мэргэжилтэн урьдчилан бүртгүүлсэн бөгөөд үзэсгэлэнгийн үеэр түүнээс хоёр дахин олон зочин үзнэ гэж тооцож байна. Үзэсгэлэн гаргагч болон зочдод зориулан Улаанбаатар, Баянгол, Рамада зочид буудлуудаас цаг тутам үнэгүй автобус (shuttle bus) –аар үйлчилнэ.

Mongolia Mining 2014 үзэсгэлэнд тавтай морилно уу.

ЗОХИОН БАЙГУУЛАГЧИД

ХӨТӨЛБӨР

• ҮЙЛ АЖИЛЛАГААНЫ ХӨТӨЛБӨР
• НЭЭЛТИЙН АЖИЛЛАГАА
• УУЛ УУРХАЙН ФОРУМУУД
• ХАМТЫН АЖИЛЛААГААНЫ УУЛЗАЛТУУД
• ШАГНАЛ ГАРДУУЛАХ ЁСЛОЛ

• АРГА ХЭМЖЭЭНИЙ ХӨТӨЛБӨР

Дээрх төлөвлөгөөт арга хэмжээнүүдээс гадна, үзэсгэлэнгийн гол танхим дахь тайзан дээрх дэлгэцээр ивээн тэтгэгчид, үзэсгэлэн гаргагчид болон бусад уул уурхайн ханган нийлүүлэгчдийн танилцуулга, сурталчилгаа явагдана.

• НЭЭЛТИЙН АЖИЛЛАГАА

Хугацаа: 2014 оны 4 сарын 10-ны 10:00 цагт

Болох газар: Үзэсгэлэнгийн гол танхим (Буянт ухаа ордон)

Хөтөлбөр

10:00 – 10:05 Нээлтийн танилцуулга

10:05 – 10:10 Язгуур урлагийн тоглолт

Дэлхийд хосгүй морин хуур, хөөмийн аялгуу

10:10 – 10:12 Хүндэт зочдын танилцуулга

10:12 – 10:25 Уул уурхайн сайд Д. Ганхуяг мэндчилгээ дэвшүүлж үг хэлнэ

УИХ-ын гишүүн, МҮХАҮТ-ын Ерөнхийлөгч С. Дэмбэрэл мэндчилгээ дэшүүлж үг хэлнэ

Mongolia Mining 2014 үзэсгэлэнгийн хамтран зохион байгуулагч Эрдэнэс МГЛ ХХК-ийн Гүйцэтгэх захирал О. Сайнбуян үг хэлнэ

Mongolia Mining 2014 үзэсгэлэнгийн зохион байгуулах хороон дарга нээлтийн үг хэлнэ

10:22 – 10:25 Нээлтийн ажиллагаа

10:25– 10:30 Язгуур урлагийн тоглолт. Дэлхийд хосгүй уран нугаралтын үзүүлбэр

• УУЛ УУРХАЙН ФОРУМУУД

Уул уурхайн салбарт төрөөс баримталж байгаа бодлого

Хэн: Уул уурхайн яам, Ашигт малтмалын газар

Хэзээ: 2014 оны 4 сарын 11-ны 10:00 – 10:30 цагт

Хаана: Хурлын танхимд

Оролцогчид (Ярих хүмүүс):

- Уул уурхайн яамны Стратеги, бодлого, төлөвлөлтийн газрын дарга Ч. Отгочулуу

- Ашигт малтмалын газрын дарга Г. Алтансүх

Ярилцах сэдэв:

- Монголын уул уурхайн салбарын талаархи төрийн бодлого

- Ашигт малтмалын тухай хууль, бусад холбогдох хууль тогтоомжийн талаар

- Уул уурхайн салбарын хамтын ажиллагаа, хөрөнгө оруулалтын орчныг сайжруулах талаар

Монголын уул уурхайн томоохон компани, төсөл хөтөлбөрүүд

Хэн: Уул уурхайн томоохон компаниуд (Төрийн өмчит болон төрийн өмчийн хувьцаа бүхий)

Хэзээ: 2014 оны 4 сарын 11-ний 11:00 – 16:00 цагт

Хаана: Уулзалтын өрөөнд

Оролцогчид (яриа таниулга хийх):

- Монголын уул уурхайн томоохон компаниуд, түүний дотоо төрийн өмчит Эрдэнэс Монгол ТӨК, Эрдэнэс Таван толгой, Оюу толгой, Эрдэнэт УҮГ, Багануур ХК, Шивээ овоо ХК-ийн удирдлага, төлөөлөл

Ярилцах сэдэв:

- Энэхүү семинарт дээрх хөтөлбөрийн дагуу оролцох Монголын уул уурхайн томоохон компани тус бүр өөрийн үйл ажиллагаа, хэрэгжүүлэхээр төлөвлөж буй томоохон төсөл хөтөлбөрийн талаар 25 минутын танилцуулга хийнэ.

Монголын уул уурхайн өнөөгийн байдал, хэтийн төлөв

Хэн: Уул уурхайн яам, Ашигт малтмалын газар

Хэзээ: 2014 оны 4 сарын 12-ны 10:00 – 10:30 цагт

Хаана: Хурлын танхимд

Оролцогчид (Ярих хүмүүс):

- Уул уурхайн яамны Бодлогын хэрэгжилтийг зохицуулах газрын дарга Б. Батхүү

- Ашигт малтмалын газрын орлогч дарга Д. Үүрийнтуяа

- Уул уурхайн хувийн хэвшлийн компанийн удирдлага

Ярилцах сэдэв:

- Монголын уул уурхайн хөгжлийн өнөөгийн байдлын талаар

- Эрдэс баялгийн нөөц, судалгааны талаар

Алтны салбарын өнөөгийн байдал, цаашдын зорилт

Хэн: Алт үйлдвэрлэгчдийн холбоо

Хэзээ: 2014 оны 4 сарын 12-ний 11:00 – 11:50 цагт

Хаана: Хурлын танхимд

Оролцогчид (яриа хийх):

- Алтны холбооны ажлын албаны дарга - С.Бүрэнтогтох

Ярилцах сэдэв:

- Адтны үйлдвэрлэлийн салбарын өнөөгийн байдал

- Дэлхийн зах зээлийн үнэ

- Тулгамдаж байгаа асуудал

- Цаашдын зорилт

- Эргэлтийн хөрөнгийн зээлийн хэрэгцээний судалгаа

Ураны нөөц, хайгуул, олборлолт

Хэн: Цөмийн энергийн газар

Хэзээ: 2014 оны 4 сарын 12-ний 11:00 – 11:50 цагт

Хаана: Хурлын танхимд

Оролцогчид (яриа хийх):

- Засгийн газрын тохируулагч агентлаг Цөмийн энергийн газрын дарга Н. Тэгшбаяр

- Арева компанийн Монгол дахь төлөөлөгч

Ярилцах сэдэв:

- Монголын ураны нөөц, судлагдсан байдал, ураны хайгуул, олборлолт, цөмийн энергийн салбарт төрөөс баримталж буй бодлого, хайгуулын үйл ажиллагааны талаар ярина.

- Хайгуул, олборлолт, боловсруулах үйлдвэр хөгжүүлэх боломж, хэтийн төлөв

• ХАМТЫН АЖИЛЛАГААНЫ УУЛЗАЛТУУД

Уралмашзавод, ОХУ

Хэзээ: 2014 оны 4 сарын 10-ны 11:00 – 15:00 цагт

Хаана: Хурлын танхимд

ОХУ-ын Санкт Петербург хотод төвтэй дэлхийд алдартай хүнд машин механизмын Уралмашзавод Монголын уул уурхайн салбарт нийлүүлэх бүтээгдэхүүн, хэрэгжүүлэх төслийн танилцуулга хийнэ. Уралмашзавод үйлдвэр нь уул уурхай, металлурги, газрын тос, хүнд үйлдвэрийн салбарт ашиглагддаг эксаватор, бутлуурын үйлдвэр, цементийн үйлдвэр, өрмийн машин, кран болон бусад олон төрлийн машин механизм үйлдвэрлэдэг.

Их Британийн уул уурхайн ханган нийлүүлэгчдийн холбооны төлөөлөлийн уулзалт

Хэзээ: 2014 оны 4 сарын 11-ний 15:15 – 16:00 цагт

Хаана: Хурлын танхимд

Mongolia Mining 2014 үзэсгэлэнд Их Британийн уул уурхайн ханган нийлүүлэгчдийн холбооны (ABMEC) гишүүн Joy Global, MMD Sizers, Friction Marketing Company, Reilloc Chain компаниуд оролцож байна. Их Британийн уул уурхайн ханган нийлүүлэгчдийн холбоо нь олон улсын уул уурхайн салбарт үр ашигтай ажиллагаа, технологийн хөгжил, аюулгүйн ажиллагааны бүтээгдэхүүн нийлүүлэгч үйлдвэрлэгчдийн нэгдсэн байгууллага бөгөөд ИБУИВУлсын уул уурхайн ханган нийлүүлэгчдийг дэлхий дахины уул уурхайн салбарт хамтын ажиллагааг өргөжүүлэх чиглэлээр үйл ажиллагаа явуулдаг байгууллага юм. Энэхүү уулзалтыг Их Британийн уул уурхайн ханган нийлүүлэгчдийн холбооны Гүйцэтгэх захирал хатагтай Жэйн Исаакс удирдан явуулах бөгөөд оролцогчдын бүтээгдэхүүний талаар танидцуулга хийж, Монголын уул уурхайн салбарынхантай чөлөөт ярилцлага хийнэ.

• Шагнал гардуулах ёслол

Хэзээ: 2014 оны 4 сарын 12-ны 14:00 – 14:40 цагт

Хаана: Үзэсгэлэнгийн гол танхимд

Энэ нь үзэсгэлэнгийн сүүлийн албан ёсны арга хэмжээ бөгөөд Mongolia Mining үзэсгэлэнгийн шилдэг үзэсгэлэн гаргагч, хамтран ажиллагсдад шагнал гардуулах, мөн азын сугалаа таарсан зочдод ивээн тэтгэгчийн шагнал гардуулах ёслол болно.

АВТОБУСНЫ ЦАГИЙН ХУВААРЬ

(2014 оны 4 сарын 10, 11, 12)