АМГ, УУХ, НЭЗСТ

ЗАРИМ АШИГТ МАЛТМАЛЫН ДЭЛХИЙН ЗАХ ЗЭЭЛИЙН ҮНИЙН БАЙДАЛ, ЕРӨНХИЙ ЧИГ ХАНДЛАГА

2013 оны 12 сарын 04

Алт. 2013 оны эхний 11 сарын  алтны дундаж үнэ 1427,86 ам.доллар/унцийг  2012 оны мөн үеийн дундаж үнэ болох 1652,11 ам.доллар/унцитай харьцуулахад  14,35 %-р буурсан үзүүлэлттэй байна. 2012 оны 10 сараас эхэлсэн алт болон мөнгөний үнийн бууралт 2013 оны 8 сарын эх хүртэл үргэлжилж 8 болон 9-р сард бага зэргийн өсөлттэй байсан ч 10-р сараас дахин буурсаар 11 сарын дундаж үнэ нь 1275,82 боллоо.

Оны эхний хагас жилийн алтны үнийн бууралтанд АНУ-н эдийн засгийн сайжирч буй үзүүлэлт, Энэтхэг болон бусад зүүн өмнөд Азийн улсуудын алтны хэрэглээний сул байдал гол нөлөө үзүүлж байсан.

Хятад улс нь богино хугацаат зээлийн хүүгээ нэмэгдүүлэх тухай  мэдээлэл гарч эхэлсэн нь  түүхий эдийн үнийн бууралтад дахин нөлөөлж эхэлсэн. Гэвч Холбооны нөөцийн газрын бонд худалдан авалт үргэлжилж байсан нь алт болон бусад түүхий эдийн үнийг хэвийн байлгахад болон өсөхөд нөлөөлнө гэж үзэж байсан ч үнэ буурсаар байна. Учир нь хөрөнгө оруулагчид АНУ-н засгийн газраас авч хэрэгжүүлэх мөнгөний бодлогын талаар эргэлзээтэй хэвээр байгаа нь алт болон мөнгөний үнийн бууралтад нөлөөлж байна. Ирэх оны 2-р сард борлуулагдах алтны үнэ Comex бирж дээр 0,1/%-р буурч 1220,80 ам.доллар/унци болсон. Долларын ханш нь Швейцари франк, Японы иен, Австрали долларын ханшны эсрэг огцом буураад байхад ч үнэт металлын үнэ нэмэгдэхгүй байна. Алтны хэрэглээ болон үнэ цэнэ буурсаар байгаа тул ойрын хугацаанд үнэ нь 1200-1300 ам.доллар/унцийн хооронд хэлбэлзэх хандлагатай байна.

(Эх сурвалж-kitco.com, metalprices.com )

Мөнгө: 2013 оны эхний 11 сарын дундаж үнэ 24,2 ам.доллар/унцийг 2013 оны эхний 11 сарын дундаж үнэ 31,41 ам.доллар/унцитай харьцуулахад 22,95 %-р буурсан үзүүлэлттэй байна. Сүүлийн үед мөнгөний үнэ бага зэргийн өөрчлөлттэйгөөр буурсаар байгаа бөгөөд Хятад улсын зах зээл дээр мөнгөний арилжаа маш бага хийгдэж байна. 2013 оны 10-рд болсон баярын урт амралтын дараа том хэмжээний хайлуулах үйлдвэрүүд нь их хэмжээгээр мөнгийг зах зээлд гаргаж ихэнх хэрэглэгчид мөнгийг их хэмжээгээр нөөцөлж авсан. Тэр үед мөнгө нь 22 ам.доллар/унциар арилжаалагдаж байсан. Түүнээс хойш зах зээл дээр мөнгөний хэрэглээ буурсан бөгөөд 2013 оны 3-р  сард борлуулагдах мөнгөний үнэ 19,07ам.доллар/унци болж 1,1%-р буурсан нь энэ оны 7 сарын 8-аас хойших хамгийн хамгийн доод үнэ болсон. Ойрын хугацаанд  мөнгөний үнэ алтны үнийн адилаар буурах хандлагатай байна.

(Эх сурвалж-kitco.com)

Зэс: 2013 оны эхний 11сарын зэсийн дундаж үнэ 7336,9  ам.доллар/тн –г  2012 мөн үеийн дундаж үнэ болох 7951,56 ам.доллар/тн-той харьцуулахад 7,73 %-р буурсан үзүүлэлттэй байна.

2013 оны эхнээс зэсийн зах зээл дээр илүүдэл үүсч эхэлсэн үүнд 2012 оны 10,11,12 сард боловсруулсан зэсийн бүтээгдэхүүн үйлдвэрлэл нэмэгдсэн нь нөлөөлсөн. Хятад улсын ихэнх хайлуулах үйлдвэрүүд 2-р сарын эхээр зэсийн баяжмал нөөцлөх үйл ажиллагаагаа зогсоосон. Цагаан сарын баяр болон Хятадын коммунист намын их хурлын дараа бүтээн байгуулалтын ажил эхэлж зэс болон бусад металлын үнэ нэмэгдэнэ гэсэн хүлээлт байсан ч Хятадын засгийн газраас үл хөдлөх хөрөнгийн салбарт шинэ хяналтын бодлого хэрэгжүүлэхээ зарласан нь хөрөнгө оруулагчдыг эргэлзээнд оруулж улмаар зэсийн нөөцийн хэмжээ 3 сарын  сүүлчээр  Шанхайн бирж дээр 3%-р,  ЛМБирж дээр 2875 тн-р нэмэгдэж 565350 тн болж байсан нь зэсийн эрэлт сул байгааг үзүүлж байсан.

Сүүлийн үед үнэт болон өнгөт металлын үнэ буурсаар байгаа ба үүнд Хятад улсад зээлийн бодлого чангарч эхэлсэн нь нөлөөлсөн. Цаашид зэсийн хүдэр болон бүтээгдэхүүний нийлүүлэлт нэмэгдэх боловч хэрэглээ сул хэвээр байгаа тул зэсийн үнэ буурах хандлагатай байгаа ба ойрын болон дунд хугацаандаа зэсийн үнэ Лондонгийн металлын бирж дээр 6900-7300 ам.доллар/тн-ын хооронд, Шанхайн бирж дээр 49000-53000 юань/тн-н хооронд  хэлбэлзэх хандлагатай байна. Гэвч сүүлийн үед ЛМБиржийн зэсийн нөөц буурч байгаа гэсэн мэдээлэл гарч байгаа бөгөөд энэ тохиолдолд үнэ өсөх нь тодорхой юм.

(Эх сурвалж-metalprices.com)

Цайр. 2013 оны эхний 11 цайрын дундаж үнэ 1904,26 ам.доллар/тн-г 2012 оны мөн үеийн  дундаж үнэ 1939,62 ам.доллар/тн-той харьцуулахад 1,82%-р буурсан үзүүлэлттэй  байна.

2013 оны эхний хагас жилд Киприйн асуудал болон АНУ-н доллар ханш чангарснаас шалтгаалан цайрын үнэ нилээд хэмжээгээр буурсан. 2013 онд Хятад улс  үл хөдлөх хөрөнгийн салбарт шинэ бодлого хэрэжүүлэхээ зарласнаар түүхий эдийн зах зээл сэргэх итгэлийг бууруулсан. 2-р улирал нь түүхий эдийн борлуулалтын оргил үе байдаг ч цайрын хэрэглээ сул хэвээр байсан тул  үнийн бууралт цаашид үргэлжилсэн. 8-9 сард нэмэгдэж байсан цайрын үнэ Хятад улсын мөнгөний нийлүүлэлтийн бодлого чангарах нь гэсэн мэдээллээс шалтгаалан буурч эхэлсэн байна.  2013 оны 1-8 сарын хооронд цэвэршүүлсэн цайрын нийт  бүтээгдэхүүн 8633 сая.тн-д хүрсэн ба хэрэглээ нь 8593 сая.тн-д хүрснээр 70000тн  цэвэршүүлсэн цайрын илүүдэл зах зээл дээр байна гэж IZLSG (International Lead and Zinc Study Group)-с мэдээлсэн байна.

2013 оны 3-р улиралд цайрын баяжмалын зэх зээл тогтвортой байна. 10 сарын сүүлчээр 50% агуулгатай цайрын баяжмалын үнэ тн нь 100 юаниар нэмэгдсэн ба Хятад улсын зах зээл дээр цайрын баяжмалын нийлүүлэлт хангалттай байсан. Цайр хайлуулах үйлдвэрүүдийн хэрэглээ сул байгаагаас цайрын баяжмалын арилжаа маш бага хэмжээнд явагдаж байна. Одоо зах зээлийн идэвхгүй улирал ирж байгаа тул цайрын химийн бүтээгдэхүүний зах зээл сайжрахгүй нь тодорхой байна. Иймд үнийн хувьд ойрын хугацаанд нэмэгдэхгүй гэж үзэж байна.

(Эх сурвалж-metalprices.com)

ХАР ТУГАЛГА: 2013 оны эхний 11 сарын хар тугалганы дундаж үнэ 2142,7 ам.доллар/тн-г 2012 оны мөн үеийн дундаж үнэ 2043,36 ам.доллар/тн-той харьцуулахад 4,86 %-р нэмэгдсэн  үзүүлэлттэй байна.

АНУ-н үйлдвэрлэлийн үйл ажиллагааны үзүүлэлт сайн байснаас 2013 оны 2-р сарын эхээр хар тугалганы үнэ харьцангуй өндөр буюу 2400-2500 ам.доллар/тн-н хооронд хэлбэлзэж байсан. Гэсэн ч Хятадын цагаан сарын баяраас шалтгаалан  2-р сарын дундаас эхлэн голлох металлын хэрэглээ суларч эхэлснээр 2-р сарын 2 дахь хагасаас эхлэн хар тугалганы үнэ 2300 ам.доллар/тн-оос доогуур орсон. Энэ сард хар тугалга-цайрын уурхайнууд болон хар тугалганы хүчлийг машины акуммуляторт ашигладаг үйлдвэрүүдийн үйл ажиллагаа зогсолтын байдалд шилжсэн нь 2013 оны 1-р улирлын үнийн бууралтад нөлөөлж байсан. Хар тугалганы хэрэглээ нэмэгдсэнээр  3-р улиралд үнэ нь нэмэгдсэн. 2013 оны 1-8 сарын хооронд цэвэршүүлсэн хар тугалганы нийт  бүтээгдэхүүн 6992 сая.тн-д хүрсэн ба хэрэглээ нь 7050  сая.тн-д хүрснээр түүхий эдийн зах зээл  58000 тн  цэвэршүүлсэн хар тугалганы хомсдолтой байна гэж IZLSG (International Lead and Zinc Study Group)-с мэдээлсэн. Энэ байдал нь хар тугалганы үнэ өсөхөд нөлөөлнө гэж шинжээчид үзсэн. Сүүлийн үеийн байдлаар хар тугалганы хэрэглээ нэмэгдэж байгаагаас ойрын хугацаанд үнэ тогтвортой байх хандлагатай байна.

(Эх сурвалж-www.lme.com)

Цагаан тугалга:

2013 оны эхний 11  сарын цагаан тугалганы дундаж үнэ 22262,48 ам.доллар/тн-г 2012 оны мөн үеийн дундаж үнэ 20956,11 ам.доллар/тн-той харьцуулахад 6,23 %-р нэмэгдсэн үзүүлэлттэй байгаа боловч 2013 оны эхний 2 улиралд дэлхийн эдийн засгийн үзүүлэлт сул  байснаас  цагаан тугалганы үнэ мөн буурсаар байсан. Харин энэ оны 3-р улирлаас хэрэглээ нэмэгдэж үнийн өсөлтөнд нөлөөлсөн. Цаашид үнийн хувьд бусад өнгөт металлын адилаар буурах хандлагатай байна.

(Эх сурвалж-www.lme.com)

Moлибдени: 2013 оны эхний 11 сарын дундаж үнэ 22728,2 ам.доллар/тн-г 2012 оны мөн үеийн дундаж үнэ 28332,52 ам.доллар/тн-той харьцуулахад 19,78 %-р буурсан үзүүлэлттэй байна. Молибдени  хэрэглэгчид зах зээлийг ажиглан худалдан авалт хийхгүй байгаа бөгөөд гол молибдений уурхайнууд тогтоосон хэмжээнд молибдений баяжмал гаргаж байна. Гэвч Биржүүд дээр болон Орос, Европын зах зээл дээр худалдан авалт хийгдэхгүй байгаа нь үнийн бууралтад ихээр нөлөөлж байна. Богино болон дунд хугацаандаа үнэ буурах хандлагатай байна.

(Эх сурвалж-www.lme.com)

&nbs