Компанийн жил, улирлын тайлангийн ард байх үргэлжилсэн тоон баганууд сонирхол татахгүй байж болох ч компанийн үйл ажиллагаанд санаа зовж байдаг хөрөнгө оруулагчдад ач тустай билээ. Өнгөрсөн хугацааны ашиг, компанийн өнөөгийн санхүүгийн байдлыг судалснаар хөрөнгө оруулагч тухайн компанийн хувьцаа эргээд ашгаа өгж чадах эсэхийг шийднэ. Сайн мэдээлэлтэй хувьцаа эзэмшигч ялангуяа эрсдэл ихтэй жижиг компанийн хувьд илүү аюулгүй байна. Жил болон улирлын тайлангууд нь санхүүгийн үйл ажиллагааны өнгөрсөн хугацааны албан ёсны бүртгэл юм Эдгээр тайлан нь нийтээр хүлээн зөвшөөрөгдсөн нягтлан бодох бүртгэлийн станлартад нийцэх алба байхгүй ч эдгээр мэдээлэл нь үндэсний болон орон нутгийн үнэт цаасны хууль тогтоомж, аж ахуйн дүрэм журамд заагдсан мэдээлэл байх ёстой. Нэмж хэлэхэд, хувьцаа эзэмшигчид эдгээр мэдээллийг тогтоосон хугацааны дотор хүлээн авах ёстой. Жил бүрийн тайланд захирлуудын нэрс, хувьцаа худалдан авах төлөвлөгөө, компанийн дангаар буюу хэсэгчлэн эзэмшиж буй өөр бусад аж ахуйн нэгж дэх хөрөнгө оруулалтын жагсаалт, урт хугацааны өр төлбөрийн жагсаалт, шүүхээр шийдвэрлэгдсэн компанийн хэргийн талаарх зэрэг мэдээлэл багтана.
Тайлан баланс нь тодорхой хугацаан дахь буюу гол төлөв компанийн санхүүгийн жилийн эцсийн хугацааны санхүүгийн зураглал юм. Үүнд корпорацийн хөрөнгө, өр төлбөр, хувьцаа эзэмшигчдийн өмч багтана. Тайлан балансын нэг талд компанийн эзэмшдэг буюу эзэмшиж байгаа ямар нэг өмч хөрөнгө байна. Үүнд бэлэн мөнгө, богино хугацаат үнэт цаас, авлагын данс, бараа материал, урьдчилан төлөгдсөн татвар зэрэг эргэлтийн хөрөнгө мөн барилга байгууламж, машин үйлдвэр, тоног төхөөрөмж гэх мэт үндсэн хөрөнгө орно,
□    Бизнесийн эзэмшлийг харуулдаг энгийн болон давуу эрхийн хувьцаа буюу капитал хөрөнгө:
□    Компанийн үйл ажиллагаа явуулсан хугацаанд төлөгдсөн бүхий л заодал. ноогдол ашгаас тооцох татварын дараах орлого буюү хуримтлагдсан ашиг
□    Хувьцаа тус бүрийн нэрлэсэн үнэ, зах зээлийн үнээс илүү борлуулсан нийт хувьцааны хэмжээ буюу орж ирсэн илүүдэл (зарим тохиолдолд капиталын илүүдэл гэх).
Тайлан баланс нь жилийн туршид компани ямар орлого олсон эсэхийг мөн хэдий хэмжээний зардал гарсан зэргийг үзүүлэхгүй. Эдгээр мэдээлэл нь ашгийн тайланд тусгагдана.
Зарим үед орлогын тайлан буюу ашиг алдагдлын тайлан гэж нэрлэгдэх ашгийн тайлан нь тодорхой бараа, үйлчилгээнээс жилийн туршид хэдий хэмжээний мөнгө олсон, цалин хөлс, үйл ажиллагааны улмаас компаниас гарсан зардлыг үзүүлдэг. Хэдий хэмжээний орлого олсон, хэдий хэмжээний зардал гарсан хоёрын зөрүү нь компанийн цэвэр ашиг буюу орлого юм. Энэ мөнгө нь компанид дахин хөрөнгө оруулалт хийх, хувьцаа эзэмшигчдийн ноогдол ашгийг хуваарилах зэрэгт зарцуулагдана.
Жилийн тайлангийн энэ хэсэгт бэлэн мөнгө буюу шинэ хөрөнгөнд дахин хөрөнгө оруулалт хийх бизнест хадгалагдан байгаа нийт ашгийг харуулна. Өөрөөр хэлбэл энэ нь компанийн жилээс жилд хуримтлагдсан цэвэр ашгийн хэтрэлт, хувьцаа эзэмшигчдэд төлсөн ноогдол ашиг харуулна.
Компаниуд хуулийн дагуу гадны, хараат бус нягтлан бодогчийг компаний жил бүрийн бизнес хэрхэн явагдаж байгаа талаар хувьцаа эзэмшигчдэд мэдээлэл хүргэх зорилгоор томилно. Үндсэндээ нягтлан бодогчийн ажил бол компанийн санхүүгийн тайлан үнэн бодитой эсэхийг нягтлах явдал юм Аудиторын тайлан нь товчхон, хувьцаа эзэмшигчдэд компанийн санхүүгийн байдлын талаар баталгаа өгөх хэмжээнд байна. Харамсалтай нь сүүлийн жилүүдэд компанийн санхүүгийн шалгалт үүнээс үүдэн гарах дугнэлт нь дутуу дулимаг учир зарим хөрөнгө оруулагчдыг гол аудитын пүүсүүдийнмэдлэг, мэргэжлийн ур чадварт эргэлзэхэд хүргэж байна. Аз болоход тааруухан хийсэн аудитын тайлангаас болж гарах хохирлоос гарах том алхам болох санхүүгийн бүртгэл программ нь олон улсын хэмжээнд стандартчилагдаж байгаа бөгөөд цаашид аудиторын тайлан нь баталгаатай байх нэг чухал арга хэмжээ юм
Эцэст нь санхүүгийн жилийн тайлангийн тайлбараас сонирхолтой мэдээг олж болно. Эдгээрийг нягтлан үзвэл заримдаа компанийн шүүхээр шийдүүлсэн талаарх материал болон хөрөнгө оруулагчдад хэрэгтэй бусад материалыг ч хавсаргасан байдаг.