Монголчуудыг тэжээж тэтгэсээр ирсэн Эрдэнэт үйлдвэр шинэ удирдлагатай болоод  багагүй хугацааг өнгөрүүлж байна.  Гэвч сахил хүртээд шал дордов гэгчийн үлгэрээр Эрдэнэт шинэ дарга нартай болоод ч сайжирсангүй. Саяхан Үндэсний аудитын газраас тус үйлдвэрт шалгалт хийж их хэмжээний зөрчил дутагдал илрүүлсэн байх юм. Эрдэнэт үйлдвэр ХХК санхүүгийн тайлангаа бэлтгэхдээ НББОУС 27, НББОУС
28-д заасны дагуу охин компаниудынхаа санхүүгийн тайланг нэгтгээгүй, хараат
компаниуддаа оруулсан хөрөнгө оруулалтыг өмчийн аргаар бүртгэж тайлагнаагүй
байна. Эрдэнэт үйлдвэрт мөнгөн хөрөнгийн хомсдол бий болсон тул "Ocean partners
UK Limited” компаниас 110.0 сая ам.долларын , Ростехнологи Төрийн өмчийн
корпорациас 45.0 сая ам.долларын зээл авч хөрөнгө оруулагчдын ногдол ашиг
төлөхөд зарцуулсан байна. "Ocean partners UK Limited”
компаниас авсан дээрх 110.0 сая доллар буюу  221,812.3 сая төгрөгийн зээлийн төлбөрийг урьдчилж орсон орлого дансаар бүртгэж богино хугацаат өр төлбөрийн
ангиллыг буруу илэрхийлжээ.  "Эрдэнэт үйлдвэр” ХХК-ийн бараа материалын үлдэгдэл өмнөх оноос 7,705.7 сая төгрөг, авлага 28,974.0 сая төгрөг, богино хугацаат өр төлбөр 193,399.9 сая төгрөг, урт хугацаат өр төлбөр 6,063.6  сая төгрөг ,ерөнхий болон удирдлагын зардал 47,470.9 сая төгрөгөөр тус тус өссөнтэй холбогдон мөнгөн хөрөнгийн зохистой харьцаа алдагдаж төлбөрийн чадвар муудсан байна.

 "Эрдэнэт үйлдвэр” ХХК-ийн бараа материал, үндсэн хөрөнгийн нийлүүлэлтийг үйлдвэрийн ОХУ-ын талын хувь эзэмшигч Ростехнологийн охин компани LAOAG Technical & metallurgical services LTD компани нийлүүлж байна.  Компанийн тухай хуулийн 89.1-д заасны дагуу эдгээр компаниуд сонирхлын зөрчилтэй бөгөөд хуулийн 89.5-д "Компани тухайн тайлангийн хугацаанд хийсэн сонирхлын зөрчилтэй хэлцлийн тоо, хэлцэл хийсэн этгээд, хэлцлийн үнийн талаарх мэдээллийг жилийн тайландаа тусган нийтэд мэдээлэх үүрэгтэй” гэж заасан боловч холбогдох мэдээллийг жилийн тайланд тусгаагүй байна. Мөн 2012 онд ОХУ-ын талын хувь эзэмшигч Ростехнологийн саналын дагуу "Stock International GmbH, inerals and Metals Group”LtD, Metallic Impex Corp компаниудтай сонгон шалгаруулалтгүйгээр 24.3 сая ам.долларын гэрээ хэлцлүүдийг
хийжээ. Дээрх компаниудын нийлүүлсэн үндсэн хөрөнгө аудитын багийн хийсэн
цахим хуудсаарх үнийн судалгаагаар 10,747.6 сая төгрөгийн өндөр үнэтэй байна.
Тус үйлдвэрт 2012 онд гэрээний дагуу ган бэлдэц нийлүүлсэн МҮХК ХХК, Эс
Си Эм ХХК, Аж богд трейд ХХК-ийн үнийг Дарханы төмөрлөгийн үйлдвэрээс
худалдан авсан үнэтэй харьцуулан үзэхэд 7,776.9 сая төгрөгөөр илүү байна.
Эрдэнэт үйлдвэрийн 2012 онд хийгдсэн ган бөмбөлгийн бэлдэцийн захиалгын
дүнгийн 44 хувийг Minerals& metals group (PTE) LTD компанитай ямар нэг сонгон
шалгаруулалтгүйгээр 1 тн-ыг нь 1100 ам.доллараар тооцон 12.0 мянган тн буюу 13.2
сая ам.долларын Ф80 ган бөмбөлгийг харьцангуй өндөр үнээр нийлүүлэх гэрээ
байгуулжээ. Энэ нь Төрийн болон орон нутгийн өмчийн хөрөнгөөр бараа,
ажил үйлчилгээ худалдан авах тухай хуулийн 6.1-д "Худалдан авах ажиллагаанд ил тод,
өрсөлдөх тэгш боломжтой, үр ашигтай, хэмнэлттэй, хариуцлагатай байх зарчмыг
баримтална” гэж заасныг зөрчжээ. "Эрдэнэт үйлдвэр” ХХК бэлтгэн нийлүүлэгч гэрээний үүргээ биелүүлээгүй байхад хариуцлага тооцоогүй байна. 2012 онд 300,000 ам.доллар

Эрдэнэт үйлдвэр ХХК 2011 онд ашигт малтмалын нөөц ашигласны татварт 5,532.0 сая төгрөгийг дутуу төлсөн хэмээн нөхөн төлүүлэхээр тогтоосон төлбөрийн актын үндэслэлийг шалгуулж татварын зөвлөх үйлчилгээ авахаар тус компани ЮС ХХК-тай гэрээ байгуулжээ. Гэтэл энэ асуудлыг  Татварын байгууллагынхан өөрсдөө шийдвэрлээд буруу зөвийг тогтоогоод өгчихөж. Үүний үр дүнд 12.5 хувь буюу 691.0  сая төгрөгийг зөвлөх компанид олгожээ. Татвар төлүүлэхээр тогтоосон актыг
хүчингүй болгох асуудлыг Татварын ерөнхий газарт хандаж шийдвэрлүүлэлгүй
хувийн компаниар зуучлуулсан нь тус компаниас ихээхэн хэмжээний илүү зардал
гарахад хүргэжээ.