АН-д жигүүр ургасан талаархи мэдээлэл өнгөрөгч өвлийн улс төрийн нэг хачир байсан.

Гэхдээ амтгүй хачир. Ач холбогдол нь төдийлөн чухал биш УИХ-ын гишүүн асан А.Муратаар толгойлуулсан жигүүрийнхэн хэсэгтээ л намын дарга Н.Алтанхуяг, Ерөнхий нарийн бичгийн дарга Ц.Оюундарь нараар оролдож, хурал цуглаан хийсэн ч Н.Алтанхуяг даргатайгаа нэг удаа уулзаад л алга болж орхисон.

А.Муратад намын дарга нь албан тушаал амласан сурагтай.

Жилд урьдчилсан тооцоогоор 300 мянган тонн цемент, шохой дотоодын зах зээлд нийлүүлдэг гэх энэ компани дампуурлаа зарлахад хүрчихээд байгаа бололтой юм.

Тиймээс л тэднийг жигүүрээ дэвж чадаагүй "жижиг” хүсэлтэй хэмээн нэрийдээд байгаа хэрэг. Дарга, генсек хоёроо огцруулах талаар шуугиан тарьж, жагсч тэмцэхдээ хүрч байсан тэд яагаад усанд хаясан чулуу шиг алга болсныг тодруулахад А.Муратад намын дарга нь албан тушаал амласан сурагтай.

Өөрөөр хэлбэл, "Хөтөлийн цемент шохойн үйлдвэр”-ийн даргаар түүнийг томилох яриа хэлэлцээр Засгийн газрын төвшинд яригдаж, Н.Алтанхуяг хэдэн сайдтайгаа зөвшилцөх гэж хэрэндээ л зүдэрч яваа сураг дуулдана.

Ерөнхий сайд надад албан тушаал өгөх гээгүй. Надад албан тушаалын хэрэг байхгүй хэмээн А.Мурат мэлзэж байгаа ч тохироо нэгэнт бүрдсэн, тохиромжтой цагийг хүлээж байгаа гэх "бор шувуу” нисч эхэлжээ.

Гэхдээ А.Муратын хувьд энэ суудалд тэгтлээ шунахын хэрэг байхгүй л болов уу.

А.Шоовдорын зуурсан бантан одоо ч балаг тарьсаар байна

Хөтлийн цемент шохойн үйлдвэрийг тойрсон хөгийн асуудлууд одоо ч дуусаагүй байгаа. Дарга нь халаасны хүмүүстэйгээ нийлж хувийн компани байгуулж төрийн өмчийн хөрөнгийг өөрийн компанидаа угаасан хэргийн дуулиан намжаагүй байгаа.

"Хөтөл-Занар” гэх компанийн нэрээр Хөтөлийн "Цемент, шохойн үйлдвэр”-ийн дээрх нэр бүхий удирдлагууд их хэмжээний мөнгө угаадаг байж.

Эргэн сануулбал, "Хөтөлийн цемент шохой” компанийн захирал А.Шоовдор, түүний гэргий, мөн дэд захирал Д.Валяхүү, Үйлдвэрийн хангамжийн хэлтсийн дарга нарын долоон хүнийг өнгөрсөн оны наймдугаар сарын 20-нд Авлигатай тэмцэх газраас саатуулан, шалгаж эхэлсэн байдаг.

Тэдний хэрэг өнөөх дуулиант МИАТ-ийн хэрэгтэй тун төстэй байсан бөгөөд эдгээр хүмүүс нийлж "Хөтөл-Занар” нэртэй компанийг байгуулж, "Цемент, шохойн үйлдвэр”-ээс хаягдал нэрийдлээр бүтээгдэхүүн авч боловсруулдаг байжээ.

Боловсруулсан бүтээгдэхүүнээ буцаагаад үйлдвэрт шахдаг байсан юм билээ. Өөрөөр хэлбэл, "Хөтөл-Занар” гэх компанийн нэрээр Хөтөлийн "Цемент, шохойн үйлдвэр”-ийн дээрх нэр бүхий удирдлагууд их хэмжээний мөнгө угаадаг байж.

МИАТ-ийнхэн улсын мөнгөөр "Монголиа эйрлайнс” компанийг байгуулж, мөнгө угааж байсан бол тэд "Хөтөл-Занар” гэх компанийг байгуулж, улсын мөнгийг идсэн байх юм. А.Шоовдорын хэрэг үүгээр дуусаагүй.

Тэрбээр танил тал, ах дүү амраг саднаа гүйцэтгэх захирлын суудалд суусан цагаасаа эхлэн ажилд оруулсан бөгөөд "Цемент шохойн үйлдвэр” нэг ёсондоо нэг гэр бүлийн компани шахам болоод байсан гэдэг.

Ямартай ч хэрэг явдал шийдэгдэж, А.Шоовдорыг Төрийн өмчийн хорооны шийдвэрээр ажлаас нь чөлөөлсөнөөр түүний оронд Г.Батдоржийг суулгасан байдаг юм. Харин одоо Г.Батдорж энэ "дампуурсан” газраас зугтахыг хүссэн үү яав, сар хүрэхгүй хугацааны дараа өөр даргын нэр яригдаж байгаа нь олон хардалтыг төрүүлээд байгаа юм.

Ажилчдынхаа нийгмийн даатгалыг төлж чадахгүйгээс их хэмжээний өрөнд унажээ

 Мөн энэ компанийн дараагийн нэг ноцтой асуудал нь ажилчдынхаа нийгмийн даатгалын мөнгийг улсад төл өөгүй тухай асуудал. Нийгмийн даатгалын ерөнхий газар сар гаруйн өмнө хийсэн тайлан, мэдээлэлдээ энэ талаар дурьдаж байсан юм.

А.Шоовдорыг Төрийн өмчийн хорооны шийдвэрээр ажлаас нь чөлөөлсөнөөр түүний оронд Г.Батдоржийг суулгасан байдаг юм.

Ажилчдынхаа нийгмийн даатгалыг төлөөгүй гэх энэ үйлдвэрийн нэр дээр 2.8 тэрбум төгрөгийн өр байгаа бөгөөд нэг ёсондоо идэж уухад анхаарлаа хандуулж, ажилчдынхаа нийгмийн даатгалын асуудлыг таг орхигдуулсан байсан гэсэн үг юм.

Нэлээд олон жилийн хугацаанд хуримтлагдсан энэхүү өрийг цайруулахын тулд 2012 оноос эхэлсэн гэх тайлбар өгд өг талаар албаны эх сурвалж хэлж байлаа. Ийм байхаас ч аргагүй гэдгийг А.Шоовдор даргынх нь үйлдэл харуулчихсан.

38 тэрбумаар өмнөх удирдлага нь тоглочихсон гэхээр "нүд анихад” ойрхон байсан үйлдвэр ямар төсөвтэй байх вэ гэдэг нь тодорхой. Ажилчдынх нь амьдрал ч ийм байдлаар явах нь мэдээжийн асуудал.

Өрөө төлөхийг шаардаж удаа дараа албан тоот явуулсан ч өнөөдрийг хүртэл өрөө төлж чадахг үй яваа цементийн үйлдвэрт дахиад нэг асуудал дэгджээ.

Монгол Улс гарын арван хуруунд багтах цөөхөн цементийн үйлдвэртэй. Тэдний нэг нь бол Хөтөлийн цемент шохойн үйлдвэр. Жилд урьдчилсан тооцоогоор 300 мянган тонн цемент, шохой дотоодын зах зээлд нийлүүлдэг гэх энэ компани дампуурлаа зарлахад хүрчихээд байгаа бололтой юм.

Шохойн нийлүүлэлт бараг зогсч, хаалгаа барихад хүрчихээд байгаагаас үүдэж Эрдэнэтэд шохой хоёр дахин өндөр үнэд хүрч, жилд 100-150 мянган тонн цемент, шохой үйлдвэрлэдэг Налайх, "Эрэл”-ийн цемент, шохойн үйлдвэр үүд дотоодын ачааллыг ч дийлэхгүй болж байгаа гэх.

Ажилчдынхаа нийгмийн даатгалыг төлөөгүй гэх энэ үйлдвэрийн нэр дээр 2.8 тэрбум төгрөгийн өр байгаа

Хөтөл дээр хуурай аргын цемент үйлдвэрлэх асуудлыг ярьж, төлөвлөсөн хугацаанд ашиглалтад оруулахын тулд мэргэжилтнүүдээ бэлтгэж эхлэх, гааль дээр гацаад байгаа тоног төхөөрөмжүүдээ оруулж ирж эхэлсэн талаархи гэгээн мэдээ хэвлэлийн хуудсыг "чимж” байсан ч өнөө хүртэл ахиц дэвшилгүй, үйлдвэрлэх ёстой бүтээгдэхүүнээ гаргаж чадахгүй, өр зээлэндээ баригдсан газар болон хувираад байна.

Хөтөлд нэг иймэрхүү л хөгийн асуудлууд үүсээд байна даа. Дарга гэх нэрнээс өөргүй "дампуурсан” газар бэлгэнд авчихаад, дуугүй болох хэрэг байна уу.

Монголын мэдээ