- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Монголын төр баялгийнхаа 34 хувийг үнэгүй эзэмших эрхтэй
Хоёр сар чимээгүй байсан Сэлэнгэ аймгийн Мандал сумын нутаг дахь
Гацууртын ордын асуудал дахин оволзож эхлэв. Гэхдээ өөрийнхөө баялгийн
34 хувийг гадны эздээс худалдаж авдаг гажиг тогтоосон Оюутолгойн
солиорлоос огт өөрөөр шийдэж магадгүй найдлагын оч гялалзаж эхлэв.МОНГОЛЫН ТӨР БАЯЛГИЙНХАА 34 ХУВИЙГ ҮНЭГҮЙ ЭЗЭМШИХ ЭРХТЭЙ
Учир нь энэ сарын 5-ны өдрийн Засгийн газрын хуралдаанаар "Гацууртын
ордын төрийн эзэмшлийн хувь тогтоох тухай” УИХ-ын тогтоолын төслийг
хэлэлцэн дэмжээд нэн яаралтай УИХ-д өргөн мэдүүлэхээр шийдвэрлэсэн
байдаг.
Гацууртын ордыг ашиглахтай холбогдуулан тусгай зөвшөөрөл эзэмшигч
Канадын хөрөнгө оруулалттай "Сентерра Гоулд Монголиа” ХХК-тай төрийн
эзэмшлийн хувь хэмжээг тогтоох, ашигт малтмалын нөөц ашигласны тусгай
төлбөр авах талаар Засгийн газраас байгуулагдсан ажлын хэсэг хөрөнгө
оруулагч талтай 2015 оны гуравдугаар сарын 25-аас хойш хоёр сарын
хугацаанд хэлэлцээр хийжээ. Ингээд "Гацууртын ордын төрийн эзэмшлийн
хувь тогтоох тухай” Улсын Их Хурлын тогтоолын төслийг боловсруулсан
бөгөөд уг төсөлд
1. Гацууртын ордыг ашиглах тусгай зөвшөөрөл эзэмшигч хамтарсан компанийн төрийн эзэмшлийн хувь хэмжээг 34 хувиар тогтоох
2. Энэ тогтоолын нэгдүгээр зүйлд заасан төрийн эзэмшлийн хувь, хэмжээг
гэрээний нөгөө тал буюу хөрөнгө оруулагч талд шилжүүлэх талаар хэлэлцээ
хийж, тохиролцсон тохиолдолд стратегийн ач холбогдол бүхий ордын ашигт
малтмалын нөөц ашигласны тусгай төлбөрийн хувь, хэмжээг зохих журмын
дагуу тогтоож, улсын төсөвт төвлөрүүлэх арга хэмжээ авахыг Монгол Улсын
Засгийн газарт зөвшөөрөхөөр тусгажээ.
Өмнө нь бид баялгийнхаа хэмжээгээр дэлхийд айргийн тавд эрэмбэлэгдэх
хэмжээний Оюутолгойн орд дээрээ "Хамтран эзэмшихийн тулд Монголын
Засгийн газар 34 хувийн санхүүжилтийг хариуцна” гэсэн гажигтай гэрээнд
гарын үсэг зурснаасаа болж өөрийнхөө газрын гүнд байгаа тэр их
баялгийнхаа 34 хувийг Рио Тинтогоос худалдаж авах байдалтай болчихоод
сууцгааж байгаа.
Тэгвэл энэ удаа толгойных нь эргүү жаахан ч гэсэн гарч, ихэд хаширсан
манай улстөрчид ялангуяа УИХ дахь МАН-ын зүгээс "Засгийн газраас өргөн
мэдүүлсэн Гацууртын ордод төрийн эзэмшлийн хувь тогтоох тухай УИХ-ын
тогтоолын төсөлд төр 34 хувийг эзэмшихээр заасан. МАН-ын бүлгийн
хуралдаанаар тогтоолын төслийг хэлэлцэх нь зөв гэж үзсэн.
Ингэхдээ Монгол Улсын байгалийн баялагийг ашиглаж байгаа тул Гацууртын
ордын 34 хувийг Монголын төр үнэгүй эзэмших ёстой. Өөрөөр хэлбэл, ордын
үйл ажиллагааг эхлүүлэхэд шаардагдах хөрөнгийг улсын төсвөөс гаргахгүй
байх ёстой гэсэн байр суурьтай байгаа. Хэрэв 34 хувийг үнэгүй эзэмшихийг
зөвшөөрөхгүй бол ашигт малтмалын нөөц ашигласны тусгай төлбөрийг
зургаан хувьд хүргэх хэрэгтэй.
Энэ болзлыг зөвшөөрсөн тохиолдолд Гацууртын ордыг ашиглахыг дэмжинэ.
МАН-ын бүлэг уул уурхайн томоохон төслүүдийн үйл ажиллагааг тогтвортой
явуулах нь зөв гэсэн байрь суурьтай байгаа. Хамгийн гол нь Монгол Улсын
үндсэн эрх ашигт нийцсэн гэрээ, хэлцэл хийх хэрэгтэй” хэмээн зоригтойхон
дуугарлаа.
УИХ-ын Чуулганы нэгдсэн хуралдаанд "Өнөөгийн үнэ цэнээр илэрхийлсэн
улсын өрийн хэмжээ оны сүүлээр 11.5 их наяд төгрөг буюу ДНБ-ий 53 хувь
байх төлөвтэй байна. Үүнд, гадаадын хөнгөлөлттэй зээл дөрвөн их наяд
байгаа бол дотоод, гадаад бонд, баталгаа тус бүр 2.5-2.7 орчим их наяд
төгрөгийн дүнтэй байна.
Энэ хэвээрээ элдэв арга хэмжээ авалгүй байдал хэвээр үргэлжилбэл хэсэг
хугацааны дараа бид default буюу улс орноо дампуурсан хэмээн зарлах
шаардлага үүсэхийг ч үгүйсгэхгүй” хэмээн мэдэгдэж байсан Ерөнхий сайд
Ч.Сайханбилэг асар их хохиролтой Оюутолгойн далд уурхайн гэрээнд Дубайд
нисч очин гарын үсэг зурснаараа гадны хөрөнгө оруулагчдын толгойг бага
болов Монгол руу эргүүлсэн хэмээн найдаж суугаа манай эрх баригчид
Монголын баялагт "Өнөөдрийн өөхнөөс маргаашийн уушиг” биш, "Маргаашийн
өөхнөөс өнөөдрийн уушиг” гэсэн гажигтай сэтгэхүйгээр хандаж,
Монголчуудыг хэдэн үеэрээ өртэй амьдрах нөхцөл рүү түлхсээр байгаа нь
өнөөдрийн эмгэнэл билээ.
Өөрсдийнхөө баялгийн 34 хувийг барьцаанд тавьж, зээлийн хүүтэй өрөнд
унаж байдаг хачирхалтай тэнэг улс биднээс өөр байдаггүй л болов уу.
Монголчуудын хувьд Цагаансуварга, Гацуурт, Асгат гээд өнөөдрийг хүртэл
олигтойхон гарч хүрч амжаагүй асар их баялагтай ордууд шийдлээ хүлээгээд
хөсөр хэвтэж байгаа.
Гэхдээ эдгээр ордуудын хууль эрхзүйн орчныг эхнээс нь сайтар
бодлоготой, нягт нямбай хийхгүй бол Оюутолгойн 34 хувь шиг өрөнд тавиад
алдахыг үгүйсгэх аргагүй. Гэхдээ эхлээд удахгүй УИХ-аар хэлэлцүүлэх нь
тодорхой болсон Гацууртын орд дээр улстөрчид, эрх баригчид Монгол хүн
шиг эвлэлдэн нэгдэж, аливаа эрх ашиг, авлага, өглөгөө хойш нь тавиад
Монголын төр баялгийнхаа 34 хувийг үнэ төлбөргүй эзэмших ёстой гэдэг
дээр атгасан гар шиг нэгэн цул болж "Энэ Монголчууд чинь нэг нэгдэхээрээ
хэнд ч дийлддэггүй үнэхээр хэцүү улс юм” гэдгийг эхлээд Канадуудад
дараа нь Англи, Америк, Австрали гээд Монголын баялгийг өөрийн болгохоор
шүлсээ залгиж суугаа нөхдүүдэд ойлгуулах ёстой.
Тэгээрэй ч гэж та нарыг сонгож, өнөөдрийн тарвалзтал амьдрах нөхцлөөр
сонгосон эзэд нь Монголын ард түмэн гэдгийг ямагт нэгдүгээрт тавьж
ажиллах учиртай. Хэрэв амин хувийн өчүүхэн эрх ашиг, хуйвалдааныг
хорлонтой тойрогт хүлүүлж, Гацууртын ордын хувь заяаг Оюутолгойн араас
оруулахаар ханцуй дотроо наймаалцал суугаа бол ард түмэн та нарт 2016
онд хатуухан дүн тавьж, УИХ-д сонгохгүйгээр барахгүй, өргөст торны цаана
амьдралын чинь тодорхой хугацаа өнгөрч ч болзошгүй гэдгийг эрхэм төрийн
түшээд санаж явахад илүүдэхгүй.
Гацууртын ордын нөөцийг Монгол Улсын ашигт малтмалын нөөцийн бүртгэлд
2005 онд бүртгэж, 2008 онд ТЭЗҮ-ийг хүлээж авч байж. Тэнд бүртгэгдснээр
Гацууртын орд нь 27,6 сая тонн хүдэр бүхий 75,9 мянган кг алтны нөөцтэй
гэж бүртгэгдсэн байдаг. Ийм л их баялгийн хувь заяаг эрхэм төрийн түшээд
маань тун удахгүй хэлэлцэн шийдвэрлэх нь тодорхой болов.
Хамгийн гайхалтай нь яг иймэрхүү томоохон ордын хувь заяа юмуу, хүлээлт
үүсгэсэн хуулийг улсын наадмын өмнөхөн, олны анхаарал суларсан үед
хулгай, луйврын аргаар, ханцуй дотроо наймаалцах байдлаар шийддэг
бусармаг ажиллагаа Гацууртын орд дээр дахин бүү давтагдаасай гэж
залбирах, найдах л үлдэж байна. Хэрэв Гацууртын ордыг Оюутолгойн араас
тавиад туух гэж байвал та нартай тооцоо бодох Монголын ард түмэн бий шүү
гэдгийг дахин хатуухан анхааруулж байна.
Эх сурвалж:
Монголын төр баялгийнхаа 34 хувийг үнэгүй эзэмших эрхтэй
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
