- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Г.Батбаяр: Шүүхэд маргаан үүссэн учраас “Сентерра гоулд” олборлолт явуулах эрхгүй
Ноён уулын орчимд ашигт малтал олборлох шийдвэрийг Засгийн газар
гаргаад байгаа билээ. Ингэснээр "Сентерра гоулд” компани ордод олборлолт
явуулах эрхтэй болоод буй.Харин нөгөө талд түүх, соёлын дурсгалт Ноён уулыг хамгаалж үлдэхийг
иргэний нийгмийн байгууллага, нутгийн иргэд шаардаж тэмцсээр багагүй
хугацаа өнгөрөв. Тэгвэл энэхүү маргааныг шүүхээр таслахаар болжээ. Энэ
талаар өмгөөлөгч Г.Батбаяртай ярилцлаа.
-Гацууртын орд дахь тусгай зөвшөөрлийг хүчингүй болгуулах иргэд, ТББ-ын хүсэлтийг шүүх хүлээн авахаар болсон гэв үү?
-"Ноён уулаа аваръя” хөдөлгөөний тэргүүн О.Цэрэннадмидтай Нийтийн
эрхийг хамгаалах холбоогоор дамжуулан уулзсан. Бид зөвлөлдөөд өнгөрсөн
сарын 20-нд нийслэл дэх Захиргааны хэргийн анхан шатны шүүхэд маргаантай
байгаа тусгай зөвшөөрлийг хүчингүй болгуулахаар нэхэмжлэл гаргасан. Энэ
сарын 5-нд бидний нэхэмжлэлийг үндэслэлтэй, маргааныг шүүхээр шийдье
гэсэн шүүгчийн захирамжийг хүлээн авлаа.
Гацууртын ордод ашигт малтмал олборлох тухай УИХ-ын зарим гишүүн, нөлөө
бүхий хүмүүс шалтаг шалтгаан хэлсэн, эргэлзсэн олон янзын мэдээллийг
ард иргэдэд өгдөг. Зарим нь ашиглах хэрэгтэй гэхэд нөгөө хэсэг нь
ашиглавал хүнцлээр байгаль орчин бохирдоно, түүх соёлын үнэт зүйлс
устана гэсэн эцэс төгсгөлгүй маргаан бий болгосон. Энэ маргаанд Засгийн
газар шүүгчийн үүргийг гүйцэтгэж шийдвэрлэсэн. Ингэхдээ ашиглахаар
болгосон. Үүнийг Засгийн газар мөнгө төгрөгтэй эрх мэдэлтэй талд нь
үйлчиллээ гэсэн хардлага олон түмний дунд бий болсон. Тиймээс энэ бүх
маргааныг шүүх дээр шударгаар шийдүүлэх боломжтой боллоо.
Үнэхээр байгаль орчин хордох гээд байна уу, эсвэл лицензийг хууль
бусаар авсан уу, баялгаа ашиглах нь Монгол Улсад ашигтай юу, олон улсын
гэрээг зөрчихгүй байна уу зэргээр талууд эрх тэгш, нотлох баримттай
гаргаж ирсний үндсэн дээр хуульд зааснаар мэтгэлцэх боломжтой болсон.
Ингэвэл ард түмэнд эргэлзээ байхгүй болно.
-Та бүхэн ямар үндэслэл тавьж байгаа вэ?
-Ашигт малтмалын тухай хуулийг зөрчин орон нутгийн иргэдийн саналыг
авсан гэх хуурамч нотлох баримтаар, бас зарим баримтыг хууль бусаар
цуглуулсан байж болзошгүй байна гэсэн үндэслэлээр "Сентерра гоулд
Монголиа” компанийн 431, 372 тоот тусгай зөвшөөрлийг хүчингүй болгох нь
зүйтэй гэж үзэж байгаа. Дээрх тусгай зөвшөөрлийг Ашигт малтмалын газрын
дарга олгосон. Энэ шийдвэрийг хүчингүй болгож өгөхийг хүссэн.
Тиймээс Ашигт малтмалын газар өөрөө хариуцагчаар татагдана. Гуравдагч
этгээдээр "Сентерра гоулд Монголиа” компани орж ирнэ. Мөн Засгийн газар
орж ирж болзошгүй. Учир нь Засгийн газар компанитай гэрээ байгуулсан.
Энэ ажиллагаанд ихээхэн хөрөнгө мөнгө гаргасан гэж үзэж байгаа. Тиймээс
Засгийн газар болон "Сентерра гоулд Монголиа” компанийн хууль ёсны эрх
ашиг сонирхол үүссэн байгаа.
-Засгийн газар ордыг ашиглахаар шийдвэрлэсэн. Шүүхэд маргаан үүссэн тохиолдолд олборлолт явуулах боломжтой юу?
-Нэгэнт шүүх дээр маргаан үүссэн тохиолдолд ашиглах, олборлолт явуулах
эрхгүй. Учир нь маргаан бүхий газар дээр үйл ажиллагаа явуулж эхэлбэл,
хэрэв шүүхийн шийдвэр Ноён уулынхны талд гарлаа гэж бодвол хөрөнгө
оруулагч тал асар их хохирол амсах эрсдэлтэй. Тиймээс маргааныг
эцэслэтэл аль нэг тал эрх үүргээ ухамсарлаж, хууль бус үйлдэл хийхгүй
байх гэж найдаж байна.
-Ноён уулын зарим хэсгийг тусгай хамгаалалтад авахаар болсон.
Энэ нь иргэний нийгмийн байгууллага, ард иргэдийг хүсэлтийг хангасан
үйлдэл биш үү?
-Тусгай хамгаалалтад авсан асуудал бол ард иргэдийг төөрөгдүүлсэн
явдал. Төрийн бус байгууллага, иргэд Ноён уул дахь хоёр тусгай
зөвшөөрөлтэй газрыг тусгай хамгаалалтад авч өгөөч гэсэн хүсэлт гаргасан.
Өөрөөр хэлбэл, яг лицензтэй газрыг тусгай хамгаалалтад авчих, тэнд түүх
соёлын гол газар байна.
Мөн энэ газрыг ашигласнаар бусад талбайдаа хохирол учруулах эрсдэлтэй
байна гэсэн. Тэгтэл тэр хоёр зөвшөөрлийг тойруулаад тусгай хамгаалалтад
авахаар болчихсон. Үүнд нэг зүйл бий. Тэртээ тэргүй 50, 100, 200 тонн
аль нь ч бай Ноён ууланд алтны нөөц нэгэнт илэрсэн. Үүнийг Монгол
ашиглах уу, эсвэл гадаадынхан ашиглах уу гэдэг нь маргааны гол зүйл.
Яагаад монголчууд өөрсдөө ашиглаж болохгүй гэж.
Анх 1960, 1970 оны үед Монгол Оросын хамтарсан экспедицийн хайгуулын үр
дүнд илэрсэн орд. Энэ илэрлийг "Сентерра гоулд Монголиа”
баталгаажуулсан хэрэг. Эрж хайгаад илрүүлсэн зүйл биш. Энэ нь бас хууль
бус үйлдэл болчихоод байгаа. Тэд Монголын хууль эрх зүйн орчин сул,
геологийн судалгаанууд сайн хийгдээгүйг ашиглаад ийм зүйл хийлээ. Энэ нь
шүүх дээр тодорхой болж ирнэ.
-Ноён ууланд түүх, соёлын хэчнээн үнэт дурсгал байгаа вэ. Эдгээрээс ордод ороод байгаа нь хэд вэ?
-Энэ тухай эргэлзээтэй тоо баримтууд байдаг. Захиргааны шүүх ихээхэн
онцлогтой. Захиргааны хэрэг хянан шийдвэрлэх тухай хуулийн 31.1-д
зааснаар шүүх өөрөө нотлох баримтыг цуглуулах үүрэгтэй. Бид шүүхэд
хүсэлт гаргах замаар баримтуудыг цуглуулна. Тэгэхээр Геологийн төв
архив, археологи болон палентологиос энэ талаарх нарийн судалгааг гаргаж
ирнэ.
Хэрэв тэд шүүх дээр маргаантай асуудал дээр ирэх сарын 1-нээс олборлолт
явуулж эхэлбэл бид АТГ-т хандана. Албан тушаалаа урвуулан ашиглах гэмт
хэргийн шинжийг Засгийн газар өөрөө гаргаж өгч байна гэж үзнэ.
Энэ талаар "Сентерра гоулд Монголиа” компанитай холбогдож лавлахад "Бид
хуулийн дагуу ажиллаж байгаа. Мэдээлэл өгөх боломжгүй” гэв. Ашигт
малтмалын газраас "Шүүхийн нэхэмжлэлийг дөнгөж хүлээж аваад байна. Тийм
болохоор энэхүү маргаантай холбоотой ямар нэгэн ажил хийгдэж эхлээгүй
байна” гэлээ.
Б.Заяа
Эх сурвалж: "Зууны мэдээ” сонин
Г.Батбаяр: Шүүхэд маргаан үүссэн учраас “Сентерра гоулд” олборлолт явуулах эрхгүй
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
