- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
“Эх оронч” хэрэглээ эрсэн цемент
29 жилийн хугацаанд нийт 4.3 сая тонн цемент үйлдвэрлэсэн "Хөтөлийн
цемент шохой” ХХК хуурай аргын технологийг үйлдвэрлэлд нэвтрүүлснээс
хойших бүтээгдэхүүний хэмжээ нэг сая тоннд хүрчээ. Өмнөх түүхтэй нь
харьцуулж харвал өнгөрсөн хоёр жил тус компанийн хувьд үсрэнгүй хөгжлийн
үе байсныг дээрх тоо батална.
Тэгвэл Монгол Улсыг импортын цементээс хараат бус болгоод зогсохгүй, экспорт хийдэг орны тоонд оруулсан тус компани өөрийн хэрэглэгчдэдээ зориулсан өдөрлөгийг зохион байгууллаа. Сэлэнгэ аймгийн Сайхан суманд болсон уг арга хэмжээнд зам, барилга, бетон, блок гээд үйлдвэрлэл, бүтээн байгуулалтын салбарынхныг урьжээ.
Үйлдвэрлэлийн үсрэнгүй хөгжлийг хийж чадсан тус компанийнхан энэ удаа борлуулалтдаа анхаарлаа хандуулж байгаа аж.
Монгол Улс импортын татварын бодлогоор цементийн дотоодын зах зээлээ хамгаалах арга хэмжээг авч буй. Тодруулбал, импортын цементээс авах гаалийн татварын хэмжээг 20 хувь болгосон. Гэвч Эрээний хятадууд цементийн үнээ 40 хувиар буулгаж, хилийн цаана тулгаж авчраад монголчуудад зарж эхэлсэн аж. Тиймээс чанартай баталгаатай үндэсний үйлдвэрлэлээ дэмжиж, "эх оронч” байхыг хэрэглэгчдээсээ хүсч байгаагаа тус компанийн гүйцэтгэх захирал А.Шоовдор өдөрлөгийн үеэр уриаллаа.
Монгол Улс гурван төрлийн бүтээгдэхүүн дээр импортын татварын зохицуулалт хийсний нэг нь цемент. Харин ийм арга хэмжээ авсны дараах эдийн засгийн үр нөлөө нь импортын цементийн хэмжээ 46 хувиар буурсан статистик тоогоор харагдана. Ингэснээр 42 сая ам.долларын эрэлтийг багасгаж чадсан байна.
Уг арга хэмжээнд Аж үйлдвэрийн сайд Д.Эрдэнэбат оролцсон бөгөөд тэрбээр энэ үеэр "Дотоодын эдийн засгийн цусны эргэлтийг сайжруулахын тулд үндэсний үйлдвэрлэгчдээ дэмжих ёстой. Монгол Улсыг монголчууд л босгоно. Сүүлийн 25 жилийн хугацаанд орж ирсэн гадаадын хөрөнгө оруулалт зөвхөн уул уурхайн салбарт байсан. Харин нэг ч хөрөнгө оруулагч боловсруулах үйлдвэрт орж ирээгүй.
Энэ ажлыг үндэсний үйлдвэрлэгчид хийж байна. Үндэсний үйлдвэрлэгчид л олон жилийн турш хурааж хуримтлуулсан, бий болгосон хөрөнгөө боловсруулах үйлдвэрлэлийн салбарт хийх шийдвэр гаргадаг. Үүний тод жишээ нь Хөтөлийн цемент шохойн үйлдвэр. 1990 оноос хойш технологийн хоцрогдол, зах зээлийн хараат байдлаас болоод уналтад ороод байсан үйлдвэрийг үндэсний үйлдвэрлэгчид хувьчлалаар авч, өнөөдрийн их үсрэлтийг цементийн салбарт хийгээд байна” гэсэн юм.
Хөтөлийн цементийн хэрэглэгчдийн 70 хувь нь Улаанбаатарынх. Тиймээс тус өдөрлөгт нийслэлийн Засаг дарга Э.Бат-Үүлийг мөн урьжээ. Түүнээс гадна Барилгын материал үйлдвэрлэгчдийн холбооны төлөөлөл ирсэн байв. Тус холбооны дарга О.Лхагвадорж "Өнгөрсөн жил Монгол Улс 1.3 сая тонн цемент хэрэглэсэн. 2016 онд ч төдий хэмжээний хэрэглээг монголчууд хийнэ. Зөвхөн иргэний орон сууцаас гадна, томоохон мега төслүүд хөдөлбөл түүнээс илүү хэрэглээ бий болно” гэв.
Томоохон мега төслүүд гэдэг нь Орос, Хятадыг "Талын зам” төсөл, тавдугаар цахилгаан станц, Шивээ-хүрэн, Багануурын цахилгаан станц зэргийг нэрлэж байв. Бас нэгэн сонирхолтой статистик гэвэл Монгол Улсын нэг хүнд 1.4 сая тонн цемент ногдох хүчин чадал Хөтөлд бий аж. Харин 1990 оноос өмнө энэ үзүүлэлт 300 килограмм байсан гэдгийг энд сонирхуулъя.
Б.Энхжаргал
URL:
Сэтгэгдлүүд:
Сэтгэгдэл нэмэх
Санал асуулга
Тавантолгойн хувьцааг иргэдэд бэлнээр тараах нь зөв үү?
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Вэб сайтыг Aureola
