- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
“Үхлийн хөндий”-н тайлагдашгүй нууц
Орос орны хамгийн гайхалтай сайхан байгальтай газруудын нэгд Камчатк зүй ёсоор орно. Түүгээр ч зогсохгүй хамгийн аймшигтай газруудын нэгд тооцогддог юм. Учир нь энд "Үхлийн хөндий” хэмээх нэртэй газар байдаг юм. Энэ хавьд оршин суудаг хүмүүсийн баталж байгаагаар энд хэдхэн минутын дотор ламьтай бүхэн үхдэг аж. Эрдэмтэд өнөөг хэр нь "Үхлийн хөндий”-н нууцыг баттайгаар тайлбарлаж чадахгүй байна. "Үхлийн хөндий” нэртэй газар дэлхий дээр нэг бус байдаг ч гэлээ гагцхүү хойд хөршийн энэ газрыг онцлон хүргэхээр шийдлээ.
Энэхүү хөндий нь Короноцкийн дархан цаазат газрын нутаг дэвсгэрт багтдаг. Кихпиныч галт уулын бэлд, Гейзерная голын эх дээр уртаараа хоёр км, өргөөшөө 100-300метрийн хэмжээг эзлэн оршдог юм. Анх харахад энэ хөндий үнэхээр үзэсгэлэнтэй, зурсан юм шиг байгальтай. Галт уулын баруун хэвгий нь гол руу уруудан сунайсан, хэд хэдэн дэнж байх бөгөөд тэдгээрийн дээгүүр халуун булгийн уур савсана.
Хамгийн их халуун булаг байдаг доод дэнжийг "Үхлийн хөндий” хэмээн нэрлэнэ. Энэхүү үхэл таригч газрын тухай анхлан 1930 онд мэдсэн аж. Тухайн үед нутгийн анчид ан хийх үед ноход нь алга болжээ. Тэд удаан хайсны эцэст нохдоо олоход амьсгал нь боогдон үхэцгээсэн байж. Үхсэн нохдын хажууд нүцгэн газарт нэг ч өвс байхгүй, гагцхүү ан амьтан, шувуудын сэг л байсан аж.
Хөндийг анх "нээсэн” хүмүүс зарим ноход нь хагас ялзарсан, заримынх нь зөвхөн араг яс үлдсэн байхыг анзаарчээ. Тэр газар ирсэн анчдын бие гэнэт л муудан, толгой эргэж, аманд нь төмөр амтагдан, бие нь суларч эхэлсэн гэнэ. Ямартаа ч энэ газар таагүй гэдгийг мэдсэн анчид нэн даруй хөндийг орхижээ. Тэндээс явсан даруйд биед илэрч байсан элдэв зовиур дорхноо л арилж, гагцхүү таагүй дурсамж санаанд нь үлдсэн гэдэг.
Энэ үеэс хойш "Үхлийн хөндий”-д эрдэм шинжилгээний болон жуулчны олон экспедици очиж байжээ. Гэхдээ тэдний "аялал” амжилттай өнгөрсөн нь тун ховор. Дархан цаазат газрын ажилтнуудын ярьснаар 80 жилийн дотор энэ хөндийд хэдэн зуун хүн үхсэн гэнэ. Түүгээр ч үл барам эрдэмтдийн шинээр олж мэдсэн мэдээллүүд нь хөндийн нууцыг тайлах биш харин ч нөхцөл байдлыг улам дордуулан төөрөгдөлд оруулсан аж.
Жишээ нь энэ газарт зөвхөн хүч мөхөс төдийгүй хүч чадал ихтэй том амьтад ч үхэж байсан байна. Тэр ч бүү хэл зарим баавгай энэ бүс рүү ороогүй ч хордож үхсэн амьтдын сэгээр хооллоод үхсэн байх нь олдож байжээ. Эрдэмтэд үхсэн амьтдын хүүрийг задалж үзэхэд дотор эрхтэнүүдээр цус хурсан байсан бөгөөд мах нь час улаан өнгөтэй харагдаж байсан гэнэ.
Анхандаа эрдэмтэд хүн, амьтан үхэж байгаагийн шалтгааныг хүхэрт ус төрөгч, хүхрийн давхар исэл, хорт хий, хүхэрт нүүрстөрөгч зэрэг үхлийн аюултай нэгдлүүдийг агуулсан галт уулын хийн ууртай холбон тайлбарладаг байв. Эдгээр хийнүүд нь хүнд хордлогыг үүсгэн, дээр дурдсан хөндийг "анх нээгчдэд” илэрч байсан шинж тэмдэг үүсгэдэг байна. Гэхдээ эдгээр бодисууд нь удаан хугацаанд үйлчилдэг аж. Ийм хийн нөлөө нь дор хаяж цагийн дараа үйлчлэх учир баавгай зэрэг том араатан амьтан хортой хөндийгөөс зугтан, амь гарах боломжтой юм. Түүнчлэн эдгээр хортой бодисууд хордсон амьтны махыг өөр нэг амьтан идвэл үхэлд хүргэчих чадваргүй аж. Тэгэхээр хөндийд үй олноороо үхэж байгаагын шалтгаан өөр зүйлд байж таарах нь.
1982 онд эрдэмтэд "Үхлийн хөндий”-н агаарын химийн шинжилгээг хийх үеэрээ галт уулын цианийн хий тэр дундаа хлорлог циан байгааг олж илрүүлжээ. Энэхүү хлорциани нь Дэлхийн II дайны үед үй олноор хордуулах зорилгоор ашиглагдаж байсан хамгийн аймшигтай нисдэг алуурчны тоонд орж байв. Хий хэлбэртэй бүхий л цианитууд нь эсийн амьсгалыг маш хурдан боогдуулдаг учир тун хурдан үйлчилгээтэй хор гэгддэг. Үүний улмаас хордсон амьтан хүн хорны баяжмалаас үл хамааран хэдхэн минут тэр бүү хэл хэдхэн секундын дотор үхдэг. Хлорцианаар амьсгалсны улмаас үхсэн хүн амьтдын цогцсонд мөн л цус ихээр хуралдан задарсан байдаг аж. Түүнчлэн зөвхөн цианийн төрлийн бодисууд нь бие организмд нэвчин улмаар хордсон махыг идэхэд мөн л хордох аюултай байдаг. Гэхдээ энд нэгэн зүйл ойлгомжгүй байна. Цианий хий нь ийнхүү хордуулахын тулд баяжмал нь их байх ёстой. Гэхдээ л аюултай бүс рүү орсон амьтай бүхэн хэдхэн секундын дотор л амиа алддаг.Цианитын оролцоо энд байхгүй гэж хэлэх бас нэгэн шалтгаан байна. Учир нь цианит багахан хэмжээгээр байсан ч гэлээ нулимс асгаруулах нөлөө үзүүлдэг. Түүгээр ч зогсохгүй хорт хийн баг өмсөлгүй хөндийгөөр явсан жуулчдын нэгэнд нь ч нулимс асгарах шинж тэмдэг илрээгүй байна. Цианийн хийтэй хорт хаягдал байгаа газар нэг ч амьд организм байж чаддаггүй гэдэг нь мөн л хөндийг цианитаар хордуулдаг гэх баталгааг үгүйсгэж байгаа юм. Учир нь "Үхлийн хөндий”-д ямар нэгэн амьд биет амьдарч, хордож үхсэн амьтдыг ялзаруулж, махыг нь "идэж” байгаа юм. Ямар ч мах өмхөрч ялзарах нь янз бүрийн бактерийн үйлдэлтэй холбоотой байдаг. Тэгвэл ямар ч бактери хүчилтөрөгчгүй орчинд тэсэхгүй. Хэрвээ бактер байхгүй бол цогцос ялзарахгүй, харин хатаж, занданшуулсан шарил шиг болох байсан.
Эндээс нэг бодитой гэмээр дүгнэлт гараад байгаа юм. Хэрвээ бактериуд байдаг бол түүгээр хооллодог өт, жижиг шавьж байж таарна. Тэгэхээр "Үхлийн хөндий” нь огт амьдралгүй газар биш бололтой. Ямартай ч үзэсгэлэнт лусын дагинас далайчдыг урхидан өөрийн орондоо үлдээн үхүүлдэг үлгэрийн адил гайхалтай үзэсгэлэнтэй "Үхлийн хөндий”-н нууц удахгүй илрэнэ гэдэгт найдаад чих тавин сураг сонсох үлдлээ.
“Үхлийн хөндий”-н тайлагдашгүй нууц
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
