- mram.gov.mn
- nea.gov.mn
- keestrackmongolia.mn
- erdenetmc.mn
- southgobi.mn
- mininginvestment.mn
- infomine.mn
- pam.gov.mn
- mn.mno.mn
- mmc.mn
- tsairt.mn
- energyresources.mn
- mongolgazar.mn
- monpolymet.mn
- international.mcs.mn
- erdenesmgl.mn
- tavantolgoi.mn
- mm.gov.mn
- tananimpex.mn
- investor.mn
- entree.mn
- mpi.mn
- absolutemining.mn
- adamasmining.mn
- uuluurhai.mn
- boroogold.mn
- sbt.mn
- ot.mn
- donbass.mn
- tanilgroup.mn
- baganuurmine.mn
- monmag.mn
- mining.mn
- cylpro.mn
- ewater.mn
- mera.mn
- digdog.mn
- guum.mn
- amc.mn
- miningmongolia.mn
- eitimongolia.mn
- mak.mn
- mongoliandiamondtool.mn
- lme.com
- altanrio.com
- bloomberg.com
- infomine.com
- sharyngol.com
- umamisf.com
- cengeolab.com
- noyonshish.com
- zamineservices.com
- tumurlug.e-darkhan.com
- mongolianminingjournal.com
- mnmining.net
Монголын нүүрс дэлхийн зах зээлийн сонирхлыг татаж байгааг "Coal Mongolia-2017" харууллаа
Монгол улс газрын хэвлийн баялагаар арвин их нөөцтэйг мэргэжлийн судлаачдаас авахуулаад жирийн нэгэн иргэн хүн хүртэл мэддэг. Энэ нь Уул уурхайн салбарын эдийн засагт, цаашлаад улс орны хөгжилд үзүүлж буй нөлөө хэр зэрэг чухал болохыг, мөн энэ сэдэв нь сүүлийн жилүүдэд олны анхаарлын төвд байж ирсэнтэй холбоотой. Тэгээд ч Эрдэнэт, Оюутолгой, Тавантолгой, Нарийн сухайт тэргүүтэй стратегийн ач холбогдол бүхий ордуудын үйл ажиллагаа, түүнээс ирж буй ашиг орлого Монголын эдийн засгийг босгох хамгийн том, бодитой гарц гэдэг нь ч илэрхий мэдрэгдэж байгаатай санал нийлэх биз. Алдарт 17 хувийн эдийн засгийн өсөлт ч үүний нэг жишээ. Харамсалтай нь бид өөрсдийн хамгийн том боломжоо бүрэн дүүрэн ашиглаж чадалгүй, эсрэгээрээ хөлөөрөө толгой, толгойгоороо хөл хийх мэт дүр зурагтай хэдэн жилийг ардаа орхиж байгаагаа нуух юун. Урдаа барьдаг эдийн засагчдаас авахуулаад, салбарын мэргэжилтнүүд хүртэл үүнийг "Монголчууд бид боломжоо алдсан" хэмээн дуу дуугаа авалцан нийтэд илэрхийлж байна. Үүнийг нотлох жишээ ар араасаа хөврөх ба, тухайлбал Тавантолгойгоос Гашуунсухайт хүртэлх төмөр зам, амжилттай хэрэгжих босгон дээрээ бүдэрсэн Тавантолгой мега төсөл зэргийг дурьдаж болно. Тухайлбал, Монголын нүүрсний салбарын хөгжил төмөр замтай салшгүй холбоотой, бүр цаашилбал бидний хамгийн том, хамгийн боломжит зах зээл болох БНХАУ-тай холбох төмөр зам гэдгийг мэргэжлийн хүмүүс битгий хэл, долоон буудлын Долгор эмээ хүртэл ойлгохоор. Гэтэл бид нөгөө л шороогоо манаргаж, зах харагдахгүй түгжрэл үүсгэн, хил дээрээ цувсан өнөөх л дүр зурагтай энэ удаагийн хуралтай золголоо. Тэгээд ч энэ хугацаанд нүүрсний үнэ өсөх үедээ өсч, буурах үедээ буурсан. Энэ нь Монголын нүүрс, түүний зах зээлд эзлэх байр сууринаас хамаараад сүйд болох биш. Бид л заримдаа өөрсдийгөө "баян" гэж андуураад ойлгочихдог, ганцаараа л нүүрстэй, тэр нь дуусахгүй мэт ойлгоод байдаг гэмтэй. Гэвч, Халхын заяа их гэдэг шиг, Монголын нүүрсний салбар дэлхийн сонирхолд байгааг мэдрэх мэт үйл явдал болж байгаа нь 2017 оны 9 дүгээр сарын 7-9 хооронд Улаанбаатар хот, Шангрила-д зохион байгуулагдсан, "Coal Mongolia - 2017" чуулга уулзалт байлаа.
Салбарын эдийн засагч гэгдэг Л.Наранбаатар тэргүүтэй санаачлагатай, чадварлаг залуучуудын санаачлагаар 7 дахь жилдээ амжилттай зохион байгуулагдаж байгаа энэ удаагийн арга хэмжээ өмнөх жилүүдийнхээс улам л өнөр, өнгөтэй, өөлөх зүйлгүй болж байгаа нь илт байна. Их Британи, БНХАУ, Өвөрмонгол, Сингапур зэрэг олон улсын хөрөнгө оруулагч, бизнес эрхлэгчид, мөн дотоодын хамаг л урдаа барьдаг М-Си-Эс групп, ММС, Энержи ресурс, зэрэг аж ахуй нэгжүүдээс гадна салбарын яамд болох Зам тээвэр хөгжлийн яам, Уул уурхайн хүнд үйлдвэрийн яам, Эрчим Хүчний яам, Эрдэнэс монгол, Улаанбаатар төмөр зам зэрэг байгууллагууд оролцож байгаа нь тус арга хэмжээ ямар өргөн хүрээг хамарч байгааг илтгэж байсан.
Үнэхээр л Монголын хөгжилд уул уурхай, тэр тусмаа нүүрсний салбар ямар чухал болохыг онцолж буй гэлтэй. Хуралдааны үеэр олон сонирхолтой илтгэлүүд хэлэлцүүлсэн ба "Нүүрсний салбарын өнөөгийн байдал цаашдын чиг хандлага, Монголын нүүрс далайд хүрэх тээвэрлэлт зэрэг бодлогын шинж чанартай илтгэлүүд, мөн зочин илтгэгчдийн Богино нийлүүлэлтээс хэцүү тэнцвэржүүлэлт 2016-2017 Хятадын нүүрсний зах зээл, мөн томоохон нүүрсний ордууд дээр түшиглэсэн цахилгаан станц барих төслүүдийн танилцуулга зэрэг сонирхолтой, ач холбогдолтой илтгэлүүдийг онцолж болно. Ээ дээ энэ мэт бүтээлч арга хэмжээнээс гарсан санал, зөвлөмжүүдийг өлгөж аваад л ажил хэрэг болгох Засгийн газар нь хоёр дахь өдрөө үргэлжилж нүүрсний чуулга уулзалтаасаа өмнө уначих нь тийм ч таатай мэдээ биш байсныг энд цухас дурьдюу.
Эцэст нь, Хамгийн чухал, хийгээд нэн тэргүүнд шийдэх ёстойд хуран цугларсан зочдыг нэгтгэж байсан асуудал бол яах аргагүй "Төмөр зам" байлаа. Ямар сайндаа онцлох зочдоос "өмнө жил ч, тэрний өмнө нь ч үүнийг ярьлаа" дараагийн хуралд энэ тухай ярьмааргүй байна хэмээн хэлж байхав. Үнэхээр л салбарын хөгжил төмөр замын асуудлыг шийдэхээс эхэлж байгаа нь илэрхий. Энэ мэт сонирхолтой асуудлуудын эргэн тойронд өндөр зохион байгуулалтай арга хэмжээний үндсэн хэсгүүд өндөрлөлөө.
Эцэст нь хэлэхэд Монголын уул уурхайн салбарт "хамтын хүч" хамгаас чухал болохыг ахин хэлмээр байна.
Э.Батсайхан
Монголын нүүрс дэлхийн зах зээлийн сонирхлыг татаж байгааг "Coal Mongolia-2017" харууллаа
Та Like дарж уул уурхайн мэдээллийг өдөр болгон facebook-ээр дамжуулан авах боломжтой
URL:
Сэтгэгдлүүд:
Сэтгэгдэл нэмэх
Шинэ мэдээ
Санал асуулга
Тавантолгойн хувьцааг иргэдэд бэлнээр тараах нь зөв үү?
Ханшийн мэдээ
Гадаад хувьцаа
| Нью йоркын хөрөнгийн бирж | ||
| Нэр | Хаалт | Өөрчлөлт |
| BHP Billiton Ivanhoe Mines |
90.53 23.3 |
1.44 0.00 |
| Австралийн хөрөнгийн бирж | ||
| Нэр | Хаалт | Өөрчлөлт |
| General Mining Corp Aspire Mining Limited |
0.145 0.52 |
0.00 -0.02 |
| Лондонгийн хөрөнгийн бирж | ||
| Нэр | Хаалт | Өөрчлөлт |
| Petro Matd Limited polo Resources Limited |
123.5 5.4 |
0.00 0.02 |
| Хонконгийн хөрөнгийн бирж | ||
| Нэр | Хаалт | Өөрчлөлт |
| Mongolian Mining Corporation Mongolia Energy |
9.59 1.14 |
0.00 -0.06 |
| Торонтогийн хөрөнгийн бирж | ||
Шинэ бүтээл
Металлын ханшийн мэдээ
Нүүрсний ханшийн мэдээ
Уул уурхайн ТОП 25 компани
Бүх эрх хуулиар Copyright © 2013 - 2017 | Ord.mn Монголын Уул Уурхайн Мэдээллийн Үндэсний Портал
Вэб сайтыг Aureola
Вэб сайтыг Aureola
