Оюутолгойн ордыг ашиглах үйл ажиллагааны шинэ шатны гараа болох гүний уурхайн  төслийг эцэслэн баталж, гүний уурхайн бүтээн  байгуулалт  эхэлж байна. Гүний уурхайн төс­лийн гарааны хүндэтгэлийн ёслол өнгөрсөн бямба гаригт боллоо. Уг арга хэмжээнд Ерөнхий сайд Ч.Сайханбилэг, ЗГХЭГ-ын дарга С.Баярцогт, Уул уурхайн сайд Р.Жигжид болон албаны бу­сад хүн оролцлоо. Ерөнхий сайд Ч.Сайханбилэг  ёслолын арга хэм­жээнд орол­цож үг хэлэв. Тэрээр "Оюу­толгой төсөл өнөөд­рөөс эхлэн биз­несийн сонгодог төсөл бо­лон хувирч байна. Оюутолгой одоо улс төрч­дийн ярианы сэдэв биш, улс орны хөгж­­лийн түүчээ ажил, бүтээн байгуулалт болж байна. Гүний уур­хайн төс­лийн хөрөнгө оруу­лалт нь манай түншүүд Оюутолгой болон Монгол Улсад хэрхэн итгэл үзүүлж байгаагийн тод илэрхийлэл болж, Монгол оронд хөрөнгө оруулж, бизнес хийх таатай нөхцөл бүрдсэнийг ха­руулж байна” гэлээ.

Мөн "Энэхүү төсөл бүрэн хүчин чадлаараа ажил­лахын тулд газрын гадар­гаас доош 1300 метрийн гүнд 200 км үргэлжлэх хонгилыг 5-6 жилд хөндлөн малтаж, олбор­лолтод бэлт­гэн барих зорилт, шаардлага танай баг хамт олон, дотоод, гадаадын хувь ний­лүү­лэгч, хөрөнгө оруу­лагч, санхүүжүүлэгч на­рын өмнө тавигдаж байна. Гүний уурхайн бүтээн байгуулалт эхэлс­нээр олон ажлын байр шинээр бий болж, үндэсний ханган ний­лүүлэгчдийн бизнес өргөжиж, оролцогч талууд, Монголын ард түмэнд үе дамж­сан үр өгөөжийг өгнө. Өнөөдөр Монголчууд бид бахархах ёстой. Учир нь бид дэлхийн биз­несийн тавцанд эргэн ирснээ харуулсан чухал өдөр тохиож байна” гэж Ерөнхий сайд Ч.Сайханбилэг онцлов. "Рио Тинто” груп­пийн гүйцэтгэх захирал Жан Себастьян Жак  "Бидний хамт­даа барьж байгуулсан дэл­­­­­хийн хэмжээний бөгөөд аюул­гүй байд­лыг эрхэмлэн дээ­дэлсэн уурхайн цогцол­бор нь гурван жилийн турш зэ­сийн баяж­мал амжилттай ол­бор­лож, экспортолж ир­лээ. Өнөөдрийн хөрөнгө оруулалт нь Оюу­­толгойн баялгийн 80 хувийг эргэлтэнд оруулж, тус уурхайг зэсийн салбарт дэлхийн хамгийн үнэ цэнэтэй төслийн нэг болгох юм. Өнөөдрийн барьж байгуулсан дэд бүтэц, хан­ган нийлүүлэлтийн сүл­жээнд түшиглэн, хувьцаа эзэм­шигчид болон Монгол Улсад олон арван жилийн турш арвин үр өгөөж хүр­тээх болно. Энэ бол харилцан ашигтай, урт хуга­цааны түншлэл юм” гэлээ. 

Гүний уур­хайн хө­рөнгө оруулалтын шийд­вэр нь 2015 оны арванхоёрдугаар сард олон улсын санхүү­гийн байгууллагууд, АНУ, Канад, Австралийн Засгийн газрын харъяаны экс­портын зээлийн агентлагууд болон 15 арил­жаа­ны банктай байгуулсан гү­ний уур­хайн бүтээн байгуу­лал­тыг санхүүжүүлэх 4.4 тэр­бум ам.долларын төслийн санхүү­жил­тийн гэрээнд үндэслэн бат­лагджээ. 2020 оноос ол­бор­лож эхлэхээр төлөвлөж байгаа гүний уурхайн хүдэр дэх зэсийн агуулга нь одоо олбор­лолт явуулж байгаа ил уур­хайн зэсийн агуулгаас гу­рав дахин өндөр байх юм. Гүний уурхайг бүрэн хүчин чадлаар нь ашиглаж эхэлснээр Оюутолгой ком­па­ни жилд баяж­мал дахь агуулгаар  500 мянган тонн зэс үйлдвэрлэнэ. Гү­ний уур­хайн бүтээн байгуу­лал­тын хугацаанд газ­рын гадар­гаас 1.3 километрийн гүнд нийт­­­дээ 200 гаруй километр хонгил барих юм. Бүтээн байгуулалтын ажлын хамгийн ид үед гүний уурхайн төсөлд 3000 хүн ажиллана. Ерөнхий сайд Ч.Сайханбилэг гүний уур­хайн бүтээн байгуулалттай танилц­саны да­раа сэтгүүлчдийн асуултад хариул­лаа. Тэрээр "Бид нар сая 1300 метрийн гүнд орж, уурхайчидтай уулзлаа. Уурхайн үйл ажиллагаа эхэлж, ажилчид нь эргэж ир­сэн байна. Нийт ажиллагсдын 95 хувь нь монголчууд ажиллаж байгаа. Манай залуу­­чууд их урам зоригтой байна” гэ­лээ. 

Оюу­толгойд ажиллах ажилч­дын тоо нэмэг­дэж, үйл ажил­лагаа нь өргөжихийн хэрээр эдийн засагт сайн нөлөө үзүүл­нэ. Оюу­толгойн гү­ний уурхайн бүтээн байгуу­лалт эхэллээ гэдэг бол бидний талаар хамгийн эерэг мэ­дээлэл дэлхий даяар тарж байна гэсэн үг. Энэ нь Мон­голд хөрөнгө оруулалт хийж, хамтарч ажил­лаж болох юм байна. Мон­голын бизнес, эдийн засгийн зах зээл нээлттэй юм байна. Монгол­чууд бизнес­тээ эргэн ирж байна гэсэн мэ­дээл­лийг өгч байгаагаараа чухал ач холбогдолтой” гэлээ гэж Засгийн газрын Хэвлэл мэдээлэл, олон нийттэй ха­рил­­цах албанаас мэдээллээ.