"Эрдэнэс Монгал” компанийн гол зорилго хувьцаа эзэмшигчдэдээ үнэ цэнэ бий болгож ард иргэдээ ажлын байраар хангаж, орлого нэмэгдүүлж эдийн засагт нөлөөлөх. Монгол Улсад өндөр ур чадвартай мэргэжилтэн бэлтгэхэд түлхүү анхаарч, Монголын иргэн бүрт Засгийн газрын эзэмшлийн компаниас нэгдсэн ашиг хүртээх боломжийг хүртээх нь чухал гэдгийг "Эрдэнэс Монгол” компанийн гүйцэтгэх захирал Б.Бямбасайхан хэлэв. Оюутолгойн гүний уурхайн бүтээн байгуулалтын ажил эхэлсэнтэй холбогдуулан 1000 гаруй мэргэжилтнийг ажлын байраар хангасан гэдгийг ч дуулгасан юм."Эрдэнэс-Монгол” компанийн Төлөөлөн удирдах зөвлөлийн хурал өчигдөр болсонтой холбогдуулан мэдээлэл хийхдээ ийн мэдээллээ. "Эрдэнэс-Монгол” бол "Эрдэнэс-Оюутолгой”, "Эрдэнэс Тавантолгой”, "Багануур”, "Шивээ-Овоо”, "Гашуун сухайт”-ын орд газрьгг нэгтгэсэн, улсынхаа эдийн засгийн өсөлтөд голлох үүрэг гүйцэтгэдэг компани. Тэр утгаараа энэ компанийн удирдлагууд юу хэлэх вэ гэдэг нь үргэлж анхаарал татаж байдаг. Өчигдрийн ТУЗ-ийн хурлаар хоёр зүйл шийдвэрлэжээ.

 

Тодруулбал, стратегийн шинэчлэлийн хөтөлбөрийн үйл явц болон өнгөрсөн оны санхүүгийн тай-лангийн талаар хэлэлцсэн байна.Б.Бямбасайхан захирал ‘Гаднын хөрөнгө оруулалт татаж байж уул уурхайн бизнес хөгждөг. Үүний тулд том төслүүдийг зөв боловсруулах шаардлагатай. Мөн төслүүдийг системтэйгээр мэргэжлийн стандартын дагуу хэрэгжүүлэх инсттуцийг бий болгоод явж байна.

 

Үйл ажиллагаагаа явуулахад компанийн засаглал чухал. Хэдийгээр Засгийн газар үүсгэн байгуулсан, хувьцаа эзэмшигч боловч бид хувийн компаниудтай ижил хэмжээнд өрсөлдөх, үйл ажиллагаагаа явуулах боломжийг үргэлж хайсаар байгаа. Үүнтэй холбоотойгоор өнгөрсөн хоёрдугаар сард УИХ-аас нэмэлт өөрчлөлт оруулж компанийн хуулийн дагуу үйл ажиллагаагаа явуулахыг тодорхой заасан. Ингэснээр бусад компанитай нэг дүрмээр тоглох боломжийг олгож байгаа юм” гэв. Үүний хүрээнд засаглалаа сайжруулах Олон улсын санхүүгийн корпорацитай хамтран ажиллаж буй. Тус байгууллага нь гишүүн орны эдийн засгийг сайжруулах зорилгоор зээл олгох, заавар зөвлөгөө өгөх зэргээр тусламж үзүүлдэг. Дээрх байгууллагатай хамтран засаглалаа сайжруулах ажил хийж байгаа нь ирээдүйд ашиг, орлоготой, бүтээмжтэй ажиллах суурь болно хэмээн үзэж байгаа. 2007 онд Засгийн газрын шийдвэрээр үүсгэн байгуулагдаж байсан уг компанийн харьяа компаниуд өнөөдөр нийт 10 мянга гаруй ажилчидтай үйл ажиллагаагаа явуулж буй. Хувьцаа эзэмшигч нь Засгийн газар бөгөөд манай улсын иргэдийн өмнөөс хувьцаа эзэмших үүргийг гүйцэтгэдэг. Тиймээс бизнесийн орчинд олон харилцагч, тоглогч бий. Нөгөө талаас Засгийн газрын компани гэсэн ойлголттой. Тэгвэл дээрх хуулиар бусад компанитай ижил улстөрөөс хараат бус бизнесийн зарчмаар өрсөлдөх юм.

 

Уул уурхайн бизнесийг хамгийн бага зардлаар өндөр бүтээмжтэй удирдаж чадвал шинэ бизнес рүү орно. Тэр нь дэд бүтэц, эрчим хүчний салбарт шинэ бизнесийг бий болгох зорилготой үйл ажиллагаа явуулж байгаа. Энэ оны эхний хагас жилийн байдлаар "Эрдэнэс Монгол” компани нэг тэрбум орчим ам.долларыг удирдаж байгаа. Стратегийн шинэчлэлийн хөтөлбөрийг хэрэгжүүлснээр 2020 онд 10 тэрбум болгож өсгөх зорилготой ажиллаж байгаа аж. Үүний тулд засаглалаа сайжруулж дэлхийд үйл ажиллагаагаар тэргүүлдэг компанийн түвшинд очих шаардлагатай. Засгийн газрын нөлөөллөөс хэдий чинээ хол байна төдий чинээгээр хөрөнгөө өсгөх боломжтой хэмээн үзэж буй. Ийм орчин нөхцөлийг бий болгож эрчим хүчний салбар руу орохын тудд стратегийн хөтөлбөрийн гол ач холбогдол оршиж байгаа.

 

Үүнээс гадна тулгарч буй нэг бэрхшээл нь олон улсын хөрөнгө оруулалт татахын тулд олон улсад мөрдөгдөж буй стандартьгг батлуулж хэрэгжүүлэх. Үүнтэй холбоотойгоор өнгөрсөн оны хагасаас санхүүгийн тайландаа дэлхийн дөрвөн том аудитийн нэгээр аудит хийлгэсэн аж. Энэ нь компанийн санхүүгийн тайлан олон улсын стандартын дагуу явж буйг илэрхийлж, хөрөнгө оруулагчдыг татах нэг боломж.Засгийн газар, компаниуд өөрийн гэсэн зээлжих зэрэшэжэй байдаг. Тэгвэл "Эрдэнэс Монгол” компани хөрөнгө оруулалтын зэрэглэлийн зээлжих түвшнийг олж авахаар ажиллаж байгаа юм байна. Эдгээр ажлыг хийснээр балансаа эрүүлжүүлж, зээлжих зэрэшэлээ сайжруулах шаардлагатай. Зээлжих зэрэгаэл сайн байхтусам санхүүжилтын өртөг буурна. Одоогоор баримталж буй гол чишэл нь бага зардлаар өндөр бүтээмжтэй ажиллах. Учир нь манай эдийн засагт ихээхэн эргэж авчирдаг уул уурхайн бүтээгдэхүүний үнэ олон улсын зах зээлд буурсан. Нэгэнт дэлхийн зах зээлд бид өөрсдөө үнэ тодорхойлох боломжгүй тул команийн зардлаа багасгаж бүтээмжээ нэмэгдүүлэхээс өөр аргагүй. Ингэж бизнесээ үргэлжлүүлэн хүнд нөхцөл байдлыг давах боломжтой. Энэ нь уул уурхайн том компанийн богино хугацааны зорилго болоод байгаа юм байна. Өнгөрсөн онд 1.8 их наяд төгрөгийг Улсын төсөвт төвлөрүүлсэн тус компани одоогоор дэлхийн 20 банк санхүүгийн байгууллагаас 4.4 тэрбум ам.долларын санхүүжилт аваад байгаа юм.

 

 

Ц.БААСАНСҮРЭН /ҮНДЭСНИЙ ШУУДАН/